‘चेला’लाई विदेश पठाउने भन्दै लाखौं ठगी गर्ने ‘बाबा’ काठमाडौंमा पक्राउ

Best Khabar Team | २०२६ पुष १७ गते बिहिबार

१३ जनवरी, २०२०
काठमाडौं । आफूलाई तान्त्रिक बाबा भएको बताउँदै आएका एक व्यक्ति ठगीको आरोपमा आज काठमाडौंबाट पक्राउ परेका छन् । पक्राउ पर्नेमा शिवानन्द स्वामी नाम गरेका दिपक भण्डारी छन् । भण्डारीले आफ्ना चेलाहरुलाई युरोपेली मुलुक चेक रिपब्लिक पठाईदिने भन्दै लाखौं रुपियाँ ठगी गरेको उजुरी परेपछि उनलाई पक्राउ गरिएको प्रहरीले जनाएको छ । काठमाडौंको टौदहमा आश्रमसमेत सञ्चालन गर्दै आएका भण्डारीले आफ्ना आश्रममा आउने आधादर्जन चेलासँग लाखौं रुपियाँ ठगी गर्दै लामो समयदेखि विदेश पठाउने आश्वासन दिएका थिए ।

तर महिनौं वितिसक्दा समेत विदेश पठाउने भन्दै समय गुजार्न थालेपछि चेलाहरुले महानगरीय प्रहरी कार्यालय टेकुमा उजुरी दिएका थिए । सोही उजुरीको आधारमा प्रहरीले भण्डारीले आज काठमाडौंस्थित आश्रमबाटै नियन्त्रणमा लिएको हो ।

पक्राउ परेका भण्डारीमाथिको आरोपको विषयमा छानबिन भै रहेको प्रहरीको भनाई छ । उनले ४ जना चेलासँग करिब ३० लाख रुपैयाँ लिएको प्रहरीको भनाई छ । यसअघि केहीसमयअघि आफ्नै शिष्यमाथि बलात्कार गरेको आरोपमा पक्राउ परेका सिद्धबाबा भने धरौटीमा रिहा भएका छन् ।

Comment from facebook