अमेरिका निवासी चर्चित लोकगायक प्रेमराजा महत र उनकी पत्नीमा कोरोना संक्रमण

Best Khabar Team | २०७७ श्रावण २४ गते शनिबार

०८ अगस्ट, २०२०
काठमाडौं । अमेरिका निवासी चर्चित लोकगायक प्रेमराजा महत र उनकी श्रीमती कविता केसी महतलाई कोरोना संक्रमण भएको छ । संक्रमित महत दम्पत्ति हाल अमेरिकाको पेन्सेलभेनियास्थित आफ्नै घरको आइसोलेसनमा छन् ।

उनीहरुले आफूहरुले पर्याप्त सावधानी अपनाउँदा अपनाउँदै कोरोना संक्रमण भएको भन्दै आफूहरुको स्वास्थ्य अवस्था भने सामान्य रहेको बताएका छन् । हिजो उनीहरुले सामाजिक सञ्जालमा आफूहरुलाई कोरोना संक्रमण भएको र घरमै आइसोलेसनमा बसेको उल्लेख गरेका थिए ।

उनीहरुलाई उनका छोराले खानेकुरा तथा अन्य व्यवस्थामा सहयोग गरिरहेका छन् । लोकगायक महत अमेरिकाको पेन्सेलभेनिया राज्यका लागि नेपाली महावाणिज्यदूतसमेत हुन् ।