कर्णाली प्रदेशमा पनि पस्यो कोरोना, थप १८ जनामा संक्रमण, कुल संक्रमितको संख्या ३७५ पुग्यो

Best Khabar Team | २०७७ जेठ ५ गते सोमबार

१८ मे, २०२०
काठमाडौं । नेपालको कर्णाली प्रदेशमा पनि कोरोना भाइरस (कोभिड १९) का संक्रमति भेटिएका छन् । स्वास्थ्य तथा जनसंख्या मन्त्रालयले दिएको जानकारी अनुसार दैलख जिल्लाको आठबीसकोट, १ का एकजना पुरुषमा कोरोना संक्रमण पुष्टि भएको छ । उनी कर्णाली प्रदेशमा कोरोना संक्रमित हुने पहिलो व्यक्ति हुन् ।

बाँकेको नेपालगञ्जमा रहेको भेरी अस्पतालमा गरिएको स्वाब परीक्षणका क्रममा उनमा कोरोना संक्रमण पुष्टि भएको मन्त्रालयले जनाएको छ । यस्तै अन्य थप १७ जनामा कोरोना पुष्टि भएको छ । जसमा धनुषाका २ जना पुरुष, खोटाङ्ग हलेसीका १ जना पुरुष, बाँकेका १२ जना पुरुष, सुनसरीका एकजना पुरुष र झापाका १ जना पुरुषमा कोरोना संक्रमण पुष्टि भएको हो । योसँगै देशभर कोरोना संक्रमणमा पर्नेहरुको संख्या ३ सय ७५ पुगेको छ ।

संक्रमणमा परेकाहरुमध्ये २ जनाको ज्यान गै सेको छ भने ३७ जना उपचारपछि घर फर्केका छन् । संक्रमितहरु सबैको अवस्था सामान्य रहेको र उनीहरु चिकित्सकको निगरानीमा रहेको मन्त्रालयले आज राति जारी गरेको विज्ञप्तिमा उल्लेख छ ।

Comment from facebook