भारतका पूर्वराष्ट्रपति मुखर्जीको ८४ वर्षको उमेरमा निधन

Best Khabar Team | २०२६ पुष १७ गते बिहिबार

३१अगस्ट, २०२० नयाँदिल्ली । भारतका पूर्व राष्ट्रपति प्रणव मुखर्जीको आज निधन भएको छ । मस्तिष्कसम्बन्धी समस्याबाट पीडित भएर अस्पतालमा भर्ना भएका मुखर्जीलाई पछिल्लो समय कोरोना संक्रमण समेत देखिएको थियो । राजधानी नयाँदिल्लीस्थित सैनिक अस्पतालमा उपचारका लागि भर्ना भएका मुखर्जीमा केहीसाता अघि कोरोना संक्रमण पुष्टि भएपछि उनको अस्पतालको आइसियुमा राखेर उपचार भै रहेको थियो ।

तर उपचारकै क्रममा उनको आज निधन भएको भारतीय सञ्चारमाध्यमले जनाएका छन् । उनका छोरा अभिजित मुखर्जीले सामाजिक सञ्जाल ट्वीटरमा ट्वीट गर्दै घटनाको पुष्टि गरेका छन् । ८४ वर्षका मुखर्जी विगत केही वर्षयता मस्तिष्कको समस्याका कारण नियमित रुपमा चिकित्सकको परामर्शमा रहेका थिए । पछिल्लो पटक उनको मतिष्कको शल्यक्रिया गर्ने तयारी भै रहेको थियो । तर सोही क्रममा उनमा कोरोना संक्रमण समेत भएको पुष्टि अस्पतालले गरेको थियो ।

सन् २०१२ देखि २०१७ सम्म मुखर्जी भारतको राष्टपति बनेका थिए । यसअघि मुखर्जीको अवस्था विग्रँदै गएको समाचारहरु सार्वजनिक भएको थियो ।

र यो पनि पढ्नुहोस् ।