मस्तिष्कको सर्जरीपछि भारतीय पूर्व राष्ट्रपति मुखर्जीको स्वास्थ्य अवस्था जटिल बन्दै, कोरोनाको संक्रमण पनि देखियो

Best Khabar Team | २०७७ श्रावण २९ गते बिहिबार

१३ अगस्ट, २०२०
नयाँदिल्ली । केहीसाता अघि मस्तिष्कको सर्जरी गराएका भारतका पूर्वराष्ट्रपति प्रणव मुखर्जीको स्वास्थ्य अवस्था गम्भीर बन्दै गएको छ । हाल उनको भारतीय सैनिक अस्पतालको आइसियु कक्षमा उपचार भै रहेको अस्पताल स्रोतले जानकारी दिएको छ ।

**फाइल तस्वीर : भारतीय पूर्वराष्ट्रपति प्रणव मुखर्जी । फोटो साभार इन्टरनेट ।**

उनको अवस्था खतरापूर्ण रहेको उपचारमा संलग्न चिकित्सकहरुले जनाएका छन् । केहीदिनअघि उनमा कोरोना संक्रमणसमेत पुष्टि भएको अस्पतालले जनाएका छन् । २०१२ देखि सन् २०१७ सम्म भारतको राष्ट्रपति रहेका मुखर्जीको मस्तिष्कको सल्यक्रिया गर्नुअघि अस्पतालले गरेको पिसीआर टेस्टमा उनमा कोरोना संक्रमण पुष्टि भएको थियो ।

यसैबीच, ८४ वर्षका मुखर्जीको स्वास्थ्य अवस्थामा बारेमा केही भारतीय सञ्चारमाध्यमहरुले अनावश्यक हल्ला फैलाएको भन्दै उनको परिवारका सदस्यले दुःख व्यक्त गरेका छन् । उनको परिवारका सदस्यहरुले अहिलेसम्म मुखर्जीको अवस्था गम्भीर रहेको र उपचार चलिरहेको भन्दै न्यूनतम मानवीय धर्मबाट नचुक्न सञ्चारकर्मी र सञ्चारमाध्यमलाई अनुरोध गरेका छन् ।