आज र भोलि देशैभरको मौसम प्रतिकुल, काठमाडौंमा बर्षा र हिमाली जिल्लामा हिमपात हुने

Best Khabar Team | २०७६ पुष १८ गते शुक्रबार

०३ जनवरी, २०२०
काठमाडौं । अबको केहीदिन नेपाली आसकको मौसम प्रतिकुल हुने जल तथा मौसम विज्ञान विभागले जनाएको छ । पश्चिमी बायुको प्रभावले काठमाडौं उपत्यकालगायत देशका अधिकांश जिल्लाको आकाश यतिबेला बादलले ढाकेको छ । आज काठामडौंमा दिउँसो ३ बजेपछि पानी पर्ने बताइएको छ । यो क्रम रातीको ८ बजेसम्म जारी रहनेछ । राति पनि पानीको सम्भावना छ । यस्तै काठमाडौं आसपासका उच्च भूभाग तथा हिमाली क्षेत्रमा हिमपातको समेत सम्भावना रहेको छ । काठमाडौंका आसपासमा रहेको चन्द्रागिरी, दामन, फूलचोकी शिवपुरीलगायतका क्षेत्रको मौसम अत्यन्तै चिसो छ । ती क्षेत्रमा समेत हिउँपर्नसक्ने अनुमान गरिएको छ । यस्तै हिमाली जिल्लाहरु, मनाङ्ग, मुस्ताङ्ग, गोर्खाको उत्तरी क्षेत्र, हुम्ला, जुम्ला, उत्तरी धादिङ्गलगायतका क्षेत्रमा हिमपातको जोखिम बढी रहेकोले बेलैमा सावधानी अपनाउन मौसम विद्हरुले सुझाव दिएका छन् । योक्रम आज, भोलि र आइतबारसम्म जारी रहने बताइएको छ । काठमाडौं उपत्यकामा हिजोदेखि मौसम विग्रेको छ । काठमाडौंमा बादल लाग्नुका साथै चिसो पनि ह्वात्तै बढेको छ ।

Comment from facebook