Best Khabar Team | २०२६ पुष १७ गते बिहिबार

---

२४ डिसेम्बर, २०१९
काठमाडौं । नेपालमा पहिलो पटक राष्ट्रिय रुपमै गजल महोत्सव आयोजना हुन लागेको छ । कथा, कवितालगायत साहित्यका विभिन्न विधाहरुको राष्ट्रिय रुपमै महोत्सव गरिने गरिएको भएपनि गलज महोत्सव भने पहिलोपटक हुन लागेको हो । यसको संयोजक नेपाल राष्ट्रिय प्रज्ञा–प्रतिष्ठानले गर्दैछ ।

देशव्यापी रुपमा गलजप्रेमीहरुको संख्या बढ्दै गएपछि र सामाजिक सञ्जालमा राम्रा राम्रा गजल समेत सार्वजनिक हुन थालेपछि प्रतिष्ठानले आफ्नो ६२ वर्षको इतिहासमा पहिलो पटक गलज महोत्सवको आयोजना गर्न लागेको हो । यसअघि प्रतिष्ठानले दशकौं अघिदेखि कथा तथा कविताको राष्ट्रिय महोत्सव समेत गर्दै आइरहेको छ ।

आगामी माघको १५ र १६ गते काठमाडौंमा गर्न लागिएको प्रज्ञा प्रतिष्ठान काव्य विभागका प्रमुख प्राध्यापक डाक्टर हेमनाथ पौडेलको भनाई छ । उहाँका अनुसार यसपटक राष्ट्रिय युवा परिषद्ले महोत्सवमा सहकार्य गर्दैछ । महोत्सवमा देशका ७ वटै प्रदेशका गलज विधामा कलम चलाउने गलजकारहरुलाई सहभागी गराईने छ ।

यस्तै भारतका सिक्किम दार्जलिङ्गलगायतका क्षेत्रबाट समेत गजलकारहरुलाई समेत समेटिने छ । कार्यक्रममा युवापुस्ता माझ चर्चित बन्दै गएको गजलसाहित्यलाई भोलिका दिनमा कसरी अघि बढाउन सकिन्छ भन्ने विषयमा चिन्तनमनन समेत गरिने महोत्सवका संयोजक समेत रहनुभएका पौडेलले जानकारी दिनुभयो ।

---

Comment from facebook