Best Khabar Team | २०७७ बैशाख २३ गते मंगलबार

---

०५ मे, २०२०
वेस्टह्याम, लण्डन । कोरोनाको संक्रमणबाट बेलायतमा पछिल्लो पटक थप एक नेपालीको निधन भएको छ । स्थायी घर नेपालको पर्वत जिल्लाको फलेवास नगरपालिका -८ ठानामौला चारभञ्ज्याङ्ग भएका समाजसेवी नारायण गुरुङ्गको स्थायीय समय अनुसार हिजो दिउँसो निधन भएको हो । केहीसाता यता कोरोनाको लक्षण देखिएपछि गुरुङ्गको लण्डनस्थित ननिटनको जर्ज इलिएट अस्पतालमा उपचार भै रहेको थियो ।

उपचारका क्रममा आइसियुमा रहेका उनको हिजो दिउँसो ज्यान गएको तमु धिं यूकेले जानकारी दिएको छ । स्वर्गीय गुरुङ्ग परिवारसहित विगत लामो समयदेखि अल्डरशटमा बसोबास गर्दै आइरहेका थिए । बेलायतमा रहेका नेपालीहरु माझ अत्यन्तै असल र सामाजसेवी व्यक्तित्वको रुपमा स्वर्गीय गुरुङ्ग रहेका थिए । उनले बेलायतमा गठित धेरै नेपाली संघ संस्थामा सक्रिय रुपमा कार्यगर्दै आइरहेका थिए ।

उनले आफ्नो गाउँमा पनि विभिन्न विकास निर्माण तथा अन्य सामाजिक सहयोग गर्दै आइरहेका थिए । यस्तै उनी पर्वत वेलफेयर सोसाइटी युकेका सल्लाहकार तथा चार भञ्ज्याङ्ग समाजका संरक्षक समेत रहेका थिए ।

---

Comment from facebook