नेपालको ‘नयाँ नक्सा र निशान छाप’ प्रतिनिधिसभाबाट बहुमतले पारित

Best Khabar Team | २०२६ पुष १७ गते बिहिबार


१३ जुन, २०२०
काठमाडौं । हालै सरकारले जारी गरेको नेपालको नयाँ राजनीतिक नक्सा र निसान छाप संघीय संसद अन्तर्गतको प्रतिनिधिसभाबाट बहुमतले पारित भएको छ । यसअघि सरकारले कालापानी, लिपुलेक र लिम्पियाधुरालगायतका क्षेत्रलाई समेत समेटेर जारी गरेको नयाँ नक्सालाई प्रतिनिधिसभाले पारित गरेको हो । संशोधनको पक्ष र विपक्षमा प्रतिनिधिसभाका सदस्यहरुबीच मतदान भएको थियो । संशोधनको पक्षमा २५८ र विपक्षमा सून्य मत प्राप्त भएको थियो ।

यस्तै पक्ष तथा विपक्षमा मत नहाली तटस्थ रहने भन्नेमा सून्य मत प्राप्त भएको थियो । संविधान संशोधनको प्रस्तावको विपक्षमा संशोधन प्रस्ताव हालेकी सरिता गिरीले भने संसद् बैठक बहिष्कार गरेर निर्वाचन अघि नै नै बाहिरिएकी थिइन् । आजको बैठकमा १७ जना सांसद अनुपस्थित भएका थिए ।

प्रतिनिधिसभामा मत विभाजनको आधारमा संशोधन प्रस्तावमाथि भोटिङ्ग भएको थियो । जस अनुसार प्रस्तावको पक्षमा मत गर्ने, विपक्षमा मत गर्ने तथा पक्ष विपक्षमा मत नगरी तटस्थ बस्ने व्यवस्था गरिएको थियो ।

विगतमा भारतले अतिक्रमण गरेको नेपालको दार्चुला जिल्लामा पर्ने कालापानी, लिपुलेक र लिम्पियाधुरालगायतका क्षेत्रलाई समेत समेटेर केहीदिनअघि सरकारले नयाँ नक्सा सार्वजनिक गरेको थियो । बैठकले संविधानको अनुसूची ३ मा रहेको निसान छापमा राख्नका लागि ल्याइएको विधेयकलाई पनि पारित गरेसँगै अब नयाँ नेपालको नक्सा र निसान छाप प्रचलनमा आउने भएको छ ।

पारित भएको नयाँ नक्सा

आजको बैठकले नेपालको संविधान (दोस्रो संशोधन) विधेयक, २०७७ लाई सर्वसम्मत रुपमा पारित गरेको हो । आजको प्रतिनिधिसभाको बैठकमा बोल्दै नेताहरुले नयाँ नक्सा जारी गर्ने विषयमा सहयोग गर्ने सबैलाई धन्यावाद दिएका छन् । उनीहरुले भोलिका दिनमा यो विषयमा भारत सरकारसँग वार्तामा बसेर समाधान खोज्नका लागि आग्रह गरेका छन् ।

पारित भएको नयाँ निशान छाप

प्रस्तावमाथि समाजवादी पार्टीका एक सांसदले असन्तुष्टि जनाएको भएपनि समाजवादी पार्टीले पनि संशोधन प्रस्तावमा सहमति जनाएसँगै यो सर्वसम्मतले पारित भएको हो ।

सरकारले गएको जेठ ९ मा संशोधन विधेयक संसदमा दर्ता गरेको थियो । नेपालको राष्ट्रिय एकताको विषय भएको भन्दै सबै राजनीतिक दलहरुले विधेयकलाई सैद्धान्तिक रुपमा सबै दलले स्वीकार गरेका थिए।



Comment from facebook



थप खबर पढ्नुहोस्
दुर्घटनाग्रस्त जाहाजमा थिइन चर्चित दोहोरी गायिका निरा छन्त्याल पनि दुर्घटनाग्रस्त जाहाजमा थिइन चर्चित दोहोरी गायिका निरा छन्त्याल पनि

२०२६ पुष १७ गते बिहिबार

१५ जनवरी, २०२३काठमाडौं । कास्कीको पोखरामा आज बिहान भएको...

सन् २०२० को दशकलाई पर्यटन दशकको रुपमा विकास गर्ने सरकारको घोषणा सन् २०२० को दशकलाई पर्यटन दशकको रुपमा विकास गर्ने सरकारको घोषणा

२०७६ पुष १६ गते बुधबार

०१ जनवरी, २०२० काठमाडौं । सरकारले सन् २०२० को...

आन्तरिक उडान ७ महिनापछि सूचारु आन्तरिक उडान ७ महिनापछि सूचारु

२०२६ पुष १७ गते बिहिबार

२२ सेप्टेम्बर, २०२०काठमाडौं । विगत ७ महिनादेखि कोरोना भाइरसको...

धादिङ् र गुल्मीका समेत गरी थप ५३ जनामा कोरोना, संक्रमित हुनेको संख्या ३५७ धादिङ् र गुल्मीका समेत गरी थप ५३ जनामा कोरोना, संक्रमित हुनेको संख्या ३५७

२०२६ पुष १७ गते बिहिबार

१८ मे, २०२०काठमाडौं । गुल्मी र धादिङ् जिल्लाका समेत...

Top