क्यानडामा सडक महोत्सवको भीडलाई लक्षित आक्रमण, ९ जनाको ज्यान गयो, दर्जनौं घाइते

Best Khabar Team | २०२६ पुष १७ गते बिहिबार

२७ अप्रिल, २०२५
टोरन्टो, क्यानडा । क्यानडाको भ्यानकुभरमा सडक महोत्सवमा सहभागी मानिसहरुको भीडलाई लक्षित आक्रमणकारीले गाडी चलाउँदा कम्तीमा एक दर्जनको ज्यान गएको छ । गएराति क्यानडाको पश्चिमी शहरमा अवस्थित भ्यानकुभरमा सडक महोत्सव हेर्न जम्मा भएका स्थानीय तथा पर्यटकहरुलाई लक्षित एक व्यक्तिले उनीहरुमाथि एक्कासी गाडी गुडाएको थियो । महोत्सवको रमझम चलिरहेका बेला मध्यरातमा भीडमा एक्कासी गाडी चलेपछि भागदौड मच्चिएको थियो ।

त्यस क्रममा गाडिले च्यापिएर र भागदौडका क्रममा हालसम्म ९ जनाको ज्यान गएको क्यानेडाली सञ्चारमाध्यमहरुले जनाएका छन् । भ्यानकुभरको दक्षिणमा फिलिपिनो संस्कृति मनाउन भेला भएका मानिहरुलाई लक्षित गरी संदिग्ध एक व्यक्तिले गाडी चलाएका थिए । उनलाई प्रहरीले नियन्त्रणमा लिएर अनुसन्धान अघि बढाएको छ । सो घटनामा घाइते भएकाहरुलाई प्रहरीले उद्दार गरी स्थानीय अस्पतालमा उपचारार्थ भर्ना गराएको छ । घटनामा परी घाइते भएकाहरुमध्य केहीको अवस्था गम्भीर रहेको बताइएको छ । घटनाको क्यानडा सरकारले घोर भत्र्सना गर्द दोषीमाथि कडा कारबाही गरिने जनाएको छ ।

स्मरणीय के छ भने स्पेनी उपनिवेशको प्रतिरोध गर्ने राष्ट्रिय नायक लापु–लापुको सम्झनामा प्रत्येक वर्ष २७ अप्रिलमा फिलिपिन्समा लापु लापु दिवस मनाइन्छ। भ्यानकुभरमा पनि यसैको सम्झनामा केही वर्षदेखि यो दिवस मनाउने गरिएको छ ।