कोरोना अपडेट : उपत्यकामा ६९६ सहित देशभर थप १४ सय ५४ जनामा कोरोना संक्रमण

Best Khabar Team | २०७७ भाद्र २६ गते शुक्रबार

११ सेप्टेम्बर, २०२०
काठमाडौं । पछिल्लो २४ घण्टामा देशभर थप १ हजार ४ सय ५४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले गरेको नियमित ‘प्रेस ब्रिफिङ्ग’ मा उल्लेख भएको तथ्यांक अनुसार पछिल्लो २४ घण्टामा काठमाडौं जिल्लामा मात्रै थप ६ सय २० जनामा कोरोना संक्रमण पुष्टि भएको छ ।

यस्तै उपत्यकाको ललितपुरमा ३८ जना र भक्तपुरमा पनि थप ३८ जनामै कोरोना संक्रमण पुष्टि भएको छ । हालसम्म देशभर कोरोना संक्रमितको संख्या ५१ हजार ९ सय १९ पुगेको मन्त्रालयले जनाएको छ । यस्तै पछिल्लो २४ घण्टामा देशभरबाट ९ सय ७२ जना कोरोना उपचारपछि घर फर्केका छन् । कोरोनाका कारण हालसम्म देशभर ३ सय २२ जनाको ज्यान गएको छ भने हालसम्म ३६ हजार ६ सय ७२ जना कोरोना मुक्त भएको मन्त्रालयको तथ्यांकमा उल्लेख छ ।