४ जिल्लामा थपिए ५७ संक्रमित, कोरोना संक्रमितको संख्या १९१

Best Khabar Team | २०७७ बैशाख ३० गते मंगलबार

१२ मे, २०२०
काठमाडौं । नेपालमा एकैदिन ५७ जनामा कोरोना भाइरसको संक्रमण (कोभिड १९) देखिएको छ । स्वास्थ्य तथा जनसंख्या मन्त्रालयले दिएको जानकारी अनुसार विशेष गरी तराईका जिल्ला कपिलवस्तु, रूपन्देही, पर्सा र बाराका ५७ जनामा कोरोना संक्रमण भेटिएका हुन् ।

मन्त्रालयका अनुसार कपिलवस्तुमा ८, रूपन्देहीमा ९, पर्सामा ३९ र बारामा १ जना नयाँ संक्रमित फेला परेका हुन् । संक्रमित सबैको अवस्था सामान्य रहेको छ । संक्रमित सबै पुरुष रहेका छन् । यसअघि हिजो २४ जनामा कोरोना संक्रमण भेटिएको थियो ।

योसँगै नेपालमा कोरोना संक्रमितको संख्या १ सय ९१ पुगेको छ । संक्रमित मध्ये ३३ जना उपचारपछि घर फर्केका छन् ।

Comment from facebook