पशुपतिमा दाउराबाट शव जलाउने नयाँ शवगृह सञ्चालनमा

Best Khabar Team | २०७७ मंशिर १८ गते बिहिबार

०३ डिसेम्बर, २०२०
काठमाडौं । काठमाडौंको पशुपतिनाथ मन्दिर परिसरमा दाउराबाट शव जलाउने नयाँ शवदाह गृह सञ्चालनमा ल्याइएको छ । पशुपति क्षेत्र विकास कोष र एभरेष्ट बैंकले संयुक्त रुपमा आज काठमाडौंमा आज गरेको कार्यक्रममा नयाँ शवदाह गृह (दाउराबाट शव जलाउने मेसिन) को बिहीबार गरिएको एक कार्यक्रमका बीच संस्कृति, पर्यटन तथा नागरिक उड्ययनमन्त्री योगेश भट्टराईले एक कार्यक्रमबीच उद्घाटन गरे ।

वातावरणलाई प्रदुषणमुक्त बनाउने उद्देश्यले निर्माण गरिएको नयाँ शवदाह गृहमा एउटा शव जल्नका लागि १ सयदेखि डेढ सय किलो दाउरा लाग्ने बताइएको छ । यस्तै यो मेसिनबाट शव जलाउँदा लाग्ने समय पनि निक्कै छोटो हुने कोषको भनाई छ ।

अहिले हाल भष्मेश्वरघाट आसपासमा दाउराबाट खुल्ला स्थानमा शव जलाईँदा २ देखि ४ घण्टासम्म लाग्ने गरेकोमा अब भने एक देखि डेढ घण्टाकै अवधिमा एउटा शव जलिसक्ने कोषको भनाई छ । एभरेष्ट बैंकले करिब ७५ लाखको लगानीमा नयाँ शवदाह गृह निर्माण गरेको हो ।

पशुपतिनाथ मन्दिर परिसरमा रहेको आर्यघाट र भष्मेश्वर घाटमा हाल खुल्ला स्थानमा शव जलाईँदै आइएको भएपनि यो शव गृहसञ्चालनमा आएपछि अब बाहिर शव जलाउने क्रम घट्ने तथा वातावरण प्रदुषण पनि कम हुने अनुमान गरिएको छ । पशुपतिनाथ मन्दिर परिसरमा विद्युतीय शव दाह गृहपनि सञ्चालनमा छ ।

Comment from facebook