पश्चिमी बायुको प्रभाव : शुक्रबारपछि मौसममा सुधार

Best Khabar Team | २०७६ फाल्गुन १३ गते मंगलबार

२५ फेब्रुअरी, २०२०
ललितपुर । पश्चिमी बायुको प्रभावका कारण देशभरको मौसममा परिवर्तन आएको छ । विशेष गरी पश्चिमीबाट प्रवाह हुने बायुको चाप न्यून हुँदा स्थानीय बायुमण्डको बायुको चाप सक्रिय हुँदा नेपालको मौसममा बदली र वर्षा हुन शुरु भएको छ । मौसम पूर्वानुमान महाशाखाले जनाए अनुसार अझै केहीदिन पश्चिमी बायुको प्रभाव जारी रहन्छ ।

जसका कारण देशका अधिकांश स्थानमा पूर्ण तथा आंशिक बदली हुने र केही स्थानमा वर्षासमेत हुनेछ । त्यसो त प्रि–मनसुन शुरु हुन एक सातामात्रै बाही छ । यसलाई आधार मान्ने हो भने पनि मौसममा परिवर्तन सामान्य हो तर विशेषत न्यून चापीय पश्चिमकी बायुको प्रभावकै कारण मौसममा फेर बदल भै रहेको छ ।

महाशाखाले दिएको जानकारी अनुसार आगामी शुक्रबारसम्म देशको मध्य तथा पश्चिमी भूभागमा मेघ गर्जनसहित बर्षाहुने सम्भावना रहेको छ । कतिपय स्थानमा चट्याङ्गसमेत पर्ने सम्भावना रहेको मौसम पूर्वानुमान महाशाखाको भनाई छ ।