चीनबाट १७५ नेपालीको उद्दार, कम्तीमा २ साताका लागि भक्तपुरको खरिपाटी क्वारेन्टाइन सेन्टरमा रहने

Best Khabar Team | २०२६ पुष १७ गते बिहिबार


१६ फेब्रुअरी, २०२०
काठमाडौं । सरकारले चीनका विभिन्न शहरमा रहेका नेपालीहरुलाई उद्दार गरेर काठमाडौं ल्याएको छ । कोरोना भाइरसबाट आक्रान्त बनेको चीनको हुवेइ प्रान्तलगायतका ठाउँमा अध्ययन तथा अन्य कामका लागि गएका नेपालीहरुलाई उद्दार गरी आज बिहान ४ बजे काठमाडौं ल्याईएको हो । उनीहरुलाई लिनका लागि नेपाल बायुसेवा निगमको विमान काठमाडौंबाट हिजो दिउँसो ४ बजे चीन गएको थियो ।

चीनस्थित नेपाली दुतावासले उपलब्ध गराएको बसमा चढेर उनीहरु चीनका विभिन्न शहरबाट विमानस्थलमा जम्मा भएका थिए । काठमाडौंबाट विमान पुग्ने वित्तिकै उनीहरुलाई आवश्यक प्रक्रिया पुरा गरी विमानमा राखिएको थियो । तर यो क्रममा ६ जना नेपालीको शरीरको तापक्रम बढी देखिएपछि उनीहरु उतै रोकिएका छन् । बाँकी ४ जना नेपाली भने आफूखुसी नेपाल आउन नमानेको चीनस्थित नेपाली दुतावासले जनाएको छ । यसअघि नेपाल आउनका लागि कुल १ सय ८५ विद्यार्थीले दुतावासले उपलब्ध गराएको फर्म भरेका थिए ।

तस्वीर साभार : राससका फोटो पत्रकार प्रदिपराज वन्त

विशेष गरी कोरोनाको उद्गमस्थल चीनको हुपई प्रान्तसहित चिङचौ, चिङमन, अनसी, सयान र यिछाङलगायतका शहरमा पुगेका विद्यार्थी र कामदारको उद्दार गरिएको चीनस्थित नेपाली दुतावासले जनाएको छ । उद्दार गरिएका नेपालीहरुलाई विमानस्थबाट बसमा राखेर भक्तपुरको खरिपाटीस्थित नेपाल विद्युत् प्राधिकरणको तालिम केन्द्रमा बनाईको क्वारेन्टाइनमा राखिएको छ । उनीहरुले त्यहाँ कम्तीमा २ साता विताउनुपर्ने छ । उनीहरुमा कोरोनाको संक्रमण भए नभएको बारेमा २ सातासम्ममा पत्ता लाग्ने बताइएको छ ।

यसबीचमा उनीहरुमा कोरोनाको लक्षण देखि थप उपचार गरिने छ भने नदेखिए आवश्यक प्रक्रिया पुरा गरी उनीहरु घर फिर्ता हुनेछन् ।उनीहरुलाई हाल २४ सै घण्टा चिकित्सकको निगरानीमा राखिएको छ । जहाँ नेपाली सेनाका चिकित्सकहरु खटिएका छन् भने सुरक्षा पनि प्रहरी र सेनाले दिएको छ ।



Comment from facebook



थप खबर पढ्नुहोस्
कोरोनाका कारण बेलायतमा ४८ घण्टायता ४ सय ६९ जनाले ज्यान गुमाए कोरोनाका कारण बेलायतमा ४८ घण्टायता ४ सय ६९ जनाले ज्यान गुमाए

२०२६ पुष १७ गते बिहिबार

२९ मार्च, २०२०लण्डन । संयुक्त राज्य बेलायतका विभिन्न शहरमा...

आज र भोलि देशका विभिन्न भागमा भारी वर्षाको सम्भावना, सतर्क रहन मौसमविद्हरुको आग्रह आज र भोलि देशका विभिन्न भागमा भारी वर्षाको सम्भावना, सतर्क रहन मौसमविद्हरुको आग्रह

२०२६ पुष १७ गते बिहिबार

१५ अगस्ट, २०२०काठमाडौं । देशका विभिन्न भागमा आगामी ४८...

गोर्खामा झुण्डिएर आत्महत्याको प्रयास गर्ने एक युवकको उपचारको क्रममा पाटन अस्पतालमा मृत्यु, मृत्युपछि गरिएको परीक्षणमा कोरोना पुष्टि गोर्खामा झुण्डिएर आत्महत्याको प्रयास गर्ने एक युवकको उपचारको क्रममा पाटन अस्पतालमा मृत्यु, मृत्युपछि गरिएको परीक्षणमा कोरोना पुष्टि

२०७७ असार २३ गते मंगलबार

०८ जुलाई, २०२०आरुघाट, गोर्खा । गोर्खा जिल्लामा झुण्डिएर आत्महत्याको...

सेनाले चलाएको गोली लागेर म्यानमारमा नेपाली दम्पत्तीको मृत्यु सेनाले चलाएको गोली लागेर म्यानमारमा नेपाली दम्पत्तीको मृत्यु

२०२६ पुष १७ गते बिहिबार

१४ अप्रिल, २०२१रंगुन, म्यानमार । म्यानमारमा गएको फेब्रुअरीदेखि जारी...

Top