कोरोना संक्रमणबाट पहिलो पटक नेपालीको मृत्यु : संखुवासभाका राईले लण्डनमा गुमाए ज्यान

Best Khabar Team | २०२६ पुष १७ गते बिहिबार

२१ मार्च, २०२०
लण्डन । विश्वव्यापीरुपमा फैलिएको कोरोना भाइरसका कारण यहाँ एक नेपालीले ज्यान गुमाएका छन् । प्राप्त पछिल्लो जानकारी अनुसार पूर्वी नेपालको संखुवासभा घर भै विगत लामो समयदेखि लण्डनस्थित साउथ ह्यारोमा बस्दै आएका ६६ वर्षका लीलाबहादुर राइको ४ दिनअघि निधन भएको हो । कोरोनासँग मिल्दोजुल्दो लक्षण देखिएपछि उनलाई मंगलबार बिहान उपचारको लागि अस्पताल पु-याइएको थियो । उपचारकै क्रममा उनको गएको मंगलबार ज्यान गएको थियो । चिकित्सकहरुले ल्याव परिक्षणपछि आज उनमा कोरोनाको संक्रमण देखिएको पुष्टि गरेका हुन् ।

यो सँगै कोरोना संक्रमणकै कारण ज्यान गुमाउने राई पहिलो नेपाली नागरिक हुन् । राई पूर्वा गोर्खा सैनिक रहेको र विगत लामो समयदेखि परिवारसँगै लण्डनमै बस्दै आएको यहाँका सञ्चारमाध्यमहरुले उल्लेख गरेका छन् । उनमा मधुमेह र उच्चरक्तचाप पहिल्दैदेखि रहेको बताइएको छ । सोही कारण उनी सोमबार मात्रै अस्पतालमा उपचार गरी घर फर्केका थिए । तर मंगल फेरि स्वास्थ्यमा समस्या देखिएपछि उनलाई परिवारले तुरुन्त अस्पताल पु¥याएको थियो । स्वर्गीय राईको नेपालको जन्म ठेगाना संखुवासभा खांदबारी नगरपालिका भएपनि उनी पछिल्लो समय सुनसरीको इटहरी उपमहानगरपालिकामा बसोबास गर्दै आइरहेका थिए । उनको झण्डै २० वर्षअघि मृगौला प्रत्यारोपण गरिएको बताइएको थियो । राईको मृत्यु भएपछि लण्डनस्थित उनको घरमा रहेका सबै सबै सदस्यलाई यतिबेला आइसोलेसनमा राखिएको छ ।

Comment from facebook