चन्द माओवादीमाथि धरपकड गरिएको भन्दै मोहन बैद्यको आपत्ति

Best Khabar Team | २०२६ पुष १७ गते बिहिबार

२३ मार्च, २०१९
काठमाडौं । पछिल्लो समयमा नेत्रविक्रम चन्द नेतृत्वको माओवादीका नेता कार्यकर्तालाई सरकारले धरपडक गरेको भन्दै मोहन बैद्य नेतृत्वको नेकपा माओवादी क्रान्तिकारीले आपत्ति जनाएको छ । पार्टीका महासचिव मोहन बैद्यले आज एक विज्ञप्ति जारी गर्दै माओवादी नेता कार्यकर्तालाई पक्राउ गरेको भन्दै आपत्ति जनाउनुभएको हो ।

विज्ञप्तिमा बैद्यले सरकारको पछिल्लो कदमलाई फाँसिवादी कदमको संज्ञा दिनुभएको छ । बैद्यले विप्लव नेतृत्वको नेकपामाथि लगाइएको प्रतिबन्ध फिर्ता लिन तथा सो समूहमाथि राजनीतिक व्यवहार गर्न आग्रह गर्नुभएको छ ।

उहाँले प्रशासनिक रुपमा होइन वार्ताद्वारा समाधान गर्न र नेता कार्यकर्ता पक्राउ गर्ने तथा यातना दिने कामलाई अविलम्ब रोक्न माग समेत गर्नुभएको छ । बैद्यले निकाल्नुभएको विज्ञप्ति जस्ताको तस्तै :