Best Khabar Team | २०७८ कार्तिक १६ गते मंगलबार

---

११ फेब्रुअरी, २०२१
काठमाडौं । नेपालमा पछिल्ला दिनहरुमा कोरोना संक्रमितको संख्या घट्दै गएको छ। विगत १ महिनायता दैनिक २ सय ५० सयको हाराहारीमा कोरोना संक्रमित भेटिएपनि यो क्रम पछिल्ला केहीदिनयता १ सय ५० को आसपासमा सिमित हुँदै आएको थियो । तर पछिल्लो २४ घण्टायता देशभर कोरोना संक्रमितको संख्या १ सय भन्दा कम भएको स्वास्थ्य मन्त्रालयले जनाएको छ ।

विश्वका विभिन्न देशमा कोरोना संक्रमितको संख्या ह्वात्तै बढ्न थालेपछि कडा लकडाउन भै रहेका बेला नेपालमा भने दैनिक रुपमा कोरोनाका नयाँ संक्रमितहरु घट्न थालेको सरकारी तथ्यांकले जनाएको छ । पछिल्लो २४ घण्टामा देशभर गरिएको स्वाब परीक्षणका क्रममा ८१ जनामा मात्रै कोरोना संक्रमण पुष्टि भएको स्वास्थ्य मन्त्रालयले बिहीबार अपरान्ह जारी गरेको अद्यावधिक तथ्यांकमा उल्लेख छ ।

यस अवधिमा देशभर कोरोनाका कारण ५ जनाको ज्यान गएको छ । सरकारले पछिल्ला दिनहरुमा कोरोना विरुद्धको खोप लगाउने काम समेत शुरु भएको तथा मानिसहरु कोरोनाका विरुद्ध मानसिक रुपमा तन्दरुस्त रहेकोले संक्रमितको संख्या घटेको हुनसक्ने अनुमान गरेको छ । यस्तै विस्तारै जाडो समेत हट्दै गएका कारण उपत्यकालगायतका जिल्लामा संक्रमितको संख्या कम भएको बताइएको छ । यस्तै पछिल्लो २४ घण्टामा कोरोना संक्रमित मध्ये १ सय ११ जना अस्पतालबाट डिस्चार्ज भएका छन् ।

हालसम्म देशभरबाट कोरोनाका कारण ज्यान गुमाएको संख्या भने २ हजार नाघेको छ । मन्त्रालयले आज जारी गरेको विवरण अनुसार हालसम्म देशभरबाट कोरोनाका कारण २ हजार ५२ जनाले ज्यान गुमाएका छन् ।

---

Comment from facebook