ट्रम्प प्रशासनले अमेरिकी नागरिकलाई क्युवा भ्रमणमा रोक लगायो

Best Khabar Team | २०७६ जेठ २३ गते बिहिबार


०६ जुन, २०१९
न्यूयोर्क । छिमेकी मुलुक क्युवाको भ्रमणमा आफ्ना नागरिकलाई अमेरिका सरकारले रोक लगाएको छ । अमेरिकी राष्ट्रपति डोनाल्ड ट्रम्प नेतृत्वको अमेरिकी प्रशासनले यही जुन ४ तारिख, मंगलबारदेखि लागूहुने गरी यो प्रतिबन्ध लगाएको घोषणा गरेको हो । यसअघि अमेरिका सरकारी तथा निजी विद्यालय, सरकारी कर्मचारीलगायत पानीजहाजबाट शैक्षिक भ्रमण, पिकनिकलगायत मनाउन क्युवा जाने गरेका थिए ।

ट्रम्प प्रशासनको प्रतिबन्धसँगै अब अमेरिकी नागरिकहरु क्युवा भ्रमणमा जान नपाउने भएका छन् । अमेरिकी सरकारको यो कमदलाई क्युवाली सरकारले कडा शब्दमा भत्र्सना गरेको अन्र्तराष्ट्रिय सञ्चारमाध्यमहरुले जनाएका छन् । अमेरिकी सरकारको यो घोषणाले क्युवाको अर्थतन्त्रमा नराम्रो धक्का पुग्नेछ । किनकी वर्षेनी दशौंलाख अमेरिकी नागरिकले क्युवाको भ्रमण गर्ने गरेको र यसका कारण क्युवाको अर्थतन्त्र चलायमान हुँदै आएको थियो ।

पछिल्लो समयमा भेनेजुयलासँगको सम्बन्ध चिसिएपछि अमेरिकाले क्युवा भ्रमणमा आफ्ना नागरिकहरुलाई प्रतिबन्धको घोषणा गरेको हो । पर्यटकबाट प्राप्तहुने आम्दानी क्युवाली सरकारले भेनेजुयला पठाउने गरेको आरोप अमेरिकको छ । भेनेजुयलाले अमेरिकामा अशान्ति फैलाउन ठूलो भूमिका खेलेको अमेरिकी आरोप छ । तर क्युवाले भने यो आरोपको ठाडै खण्डन गरेको छ । अमेरिकी विदेश मन्त्रालयल क्युवाली सरकारले वर्षेनी लाखौं अमेरिकी डलर भेनेजुएलाका राष्ट्रपतिलाई दिइरहेको आफूहरुको अनुसन्धानबाट खुलेको जनाएको छ ।

क्युवाको पर्यटकीय हवाना सहर । तस्वीर साभार : गेट्टी इमेज

पछिल्लो समयमा अमेरिकाले भेनेजुएलाका राष्ट्रपतिले दक्षिण अमेरिकी क्षेत्रलाई अस्थिर बनाउन लागि परेको र त्यसमा क्युवा सरकारले आर्थिक सहयोग प्रदान गर्दै आएको दाबी गरेको छ । यो प्रतिबन्धसँगै क्युबाली सत्तालाई अमेरिकी डलर प्राप्त हुने अवस्थाको पनि अन्त्य हुने देखिएको छ ।

स्मरणीय के छ भने यसअघि अमेरिका र क्युवाबीचको कटुतापूर्ण सम्बन्ध अमेरिकाका तत्कालीन राष्ट्रपति बराक ओवामाको पालामा केही सकारात्मक बनेको थियो । क्युवामा दुतावास नै खोलेर ओवामा प्रशासनले दुईदेबीचको सम्बन्ध सुधार्ने कोशिष गर्नुभएको थियो । जसको अन्र्तराष्ट्रिय समुदायले खुलेर प्रसंसा गरेका थिए ।



Comment from facebook



थप खबर पढ्नुहोस्
बिवाह बन्धनमा बाँधिइन् स्वेता बिवाह बन्धनमा बाँधिइन् स्वेता

२०७७ असार २८ गते आइतबार

०७ डिसेम्बर, २०२०काठमाडौं । नायिका स्वेता खड्का पुनः विवाह...

कतारमा कोरोना : १४ देशका नागरिकलाई कतार प्रवेशमा अस्थायी रोक लगाइयो कतारमा कोरोना : १४ देशका नागरिकलाई कतार प्रवेशमा अस्थायी रोक लगाइयो

२०७७ भाद्र १८ गते बिहिबार

०९ मार्च, २०२० दोहो । कतारले कोरोना भाईरसको प्रकोप...

तिहार पर्व शुरु : आज काग तिहार, कुकुर तिहार तथा लक्ष्मी पुजा एकैदिन तिहार पर्व शुरु : आज काग तिहार, कुकुर तिहार तथा लक्ष्मी पुजा एकैदिन

२०८० कार्तिक २५ गते शनिबार

११ नोभेम्बर, २०२३काठमाडौैं । हिन्दु नेपालीहरुको दोश्रो ठूलो चाड...

कोरोनाका कारण पोर्चुगलले आन्तरिक उडानमा लगाएको मापदण्ड  जुन १ बाट हटाइँदै कोरोनाका कारण पोर्चुगलले आन्तरिक उडानमा लगाएको मापदण्ड जुन १ बाट हटाइँदै

२०२६ पुष १७ गते बिहिबार

२३ मे, २०२०पोर्तिमाउ, पोर्चुगल । पोर्गुगल सरकारले यसअघि लगाएको...

Top