६ वर्षअघिको एसिडकाण्डमा अदालतले सुनायो दोषीमाथि ८ बर्ष कैद सजायाँ, उपचारखर्च झण्डै डेढ करोड भराउन निर्देशन

Best Khabar Team | २०२६ पुष १७ गते बिहिबार


गत कात्तिकमा पक्राउ परेका केशरीलाई सार्वजनिक गर्दै प्रहरी । फाइल तस्वीर

२७ फेब्रुअरी, २०२०
हेटौंडा । मकवानपुरमा २०७० साल वैशाख ९ गते प्रेम प्रस्ताव अस्वीकार गरेको बहानामा एक युवतीमाथि एसिड आक्रमण गर्ने भारतीय युवकलाई जिल्ला अदालतले ८ वर्ष कैद सजायाँ सुनाएको छ । जिल्ला अदालत मकवानपुरले मुलुकी ऐनको ज्यान सम्वन्धी महलको १५ नम्बर र मुलुकी अपराधसंहिता २०७४ दफा १८३ (२) अनुसार भारतको महाराजगञ्ज जिल्लाको अमरपूर्वन ६ बस्ने दिलीपराज केशरीलाई ८ वर्ष कैद र झण्डै डेढ करोड रुपैयाँ उपचार खर्च समेत भराउन निर्देशन दिएको हो ।

भारतीय युवक केसरीले ६ वर्षअघि हेटौडा उपमहानगर पालिका वडा नम्बर २ की २० वर्षीया विन्दावासिनी कंसाकार पसलमा बसिरहेका बेला अनुहारमा एसिड प्रहार गरेका थिए । केशरीलाई अदालतले एक लाख रुपैयाँ जरिवाना पनि तोकेको छ । जिल्ला न्यायधीश कमलराज विष्टको इजलासले घटनामा सहयोग गर्ने अर्का अभियुक्त सन्जयकुमार मण्डललाई २ वर्ष ६ महिना कैद र ४० हजार रुपैया जरिवानाको फैसला सुनाएको छ ।

अदालतको यो आदेशसँगै मण्डल २ वर्ष ६ महिनाका लागि जेल जाने भएका छन् । मुख्य अभियुक्त केशरी भने घटनाको ६ वर्षपछि गत कात्तिकमा बाराको जितपुरबाट पक्राउ परेका थिए ।



Comment from facebook



थप खबर पढ्नुहोस्
निलकण्ठ शोकमा, आज सार्वजनिक विदा निलकण्ठ शोकमा, आज सार्वजनिक विदा

२०२६ पुष १७ गते बिहिबार

२२ जनवरी, २०२० धादिङ्ग । धादिङ्गको प्रसिद्ध ढोला मण्डली...

नेपालमा बढ्दै कोरोना संक्रमित : २४ घण्टामा थपिए हालसम्मकै  धेरै संक्रमित नेपालमा बढ्दै कोरोना संक्रमित : २४ घण्टामा थपिए हालसम्मकै धेरै संक्रमित

२०२६ पुष १७ गते बिहिबार

१७ जुन, २०२०काठमाडौं । पछिल्लो केही समययता फैलिएको कोरोना...

काठमाडौंको सुन्धारा आसपासमा आज दिउँसोदेखि सवारी आवागमन प्रभावित हुने काठमाडौंको सुन्धारा आसपासमा आज दिउँसोदेखि सवारी आवागमन प्रभावित हुने

२०७६ पुष १६ गते बुधबार

०१ जनवरी, २०२० काठमाडौं । नेपाल भ्रमणवर्षको उद्घाटन कार्यक्रमका...

करिब ४७ लाख ब्लडमनी तिरेर साउदी जेलबाट छुट्ने यी हुन् महतो करिब ४७ लाख ब्लडमनी तिरेर साउदी जेलबाट छुट्ने यी हुन् महतो

२०२६ पुष १७ गते बिहिबार

१३ डिसेम्बर, २०१९ काठमाडौं । करिब ४७ लाख रुपैयाँ...

Top