Best Khabar Team | २०२६ पुष १७ गते बिहिबार
२५ अगस्ट, २०२०
काठमाडौं । कोरोना भाइरसबाट संक्रमितहरुको संख्या ह्वात्तै बढेपछि काठमाडौं भ्यालीमा विगत १ सातादेखि जारी निषेधाज्ञा थप्ने तयारी भै रहेको छ । काठमाडौं उपत्यकाभित्र पर्ने तीनवटै जिल्लाका प्रमुख जिल्ला अधिकारीहरुले यो विषयमा छलफल गरेर केहीबेरेमै ठोस निर्णय सार्वजनिक गर्दैछन् ।
स्रोतका अनुसार आगामी भदौ १५ गतेसम्म काठमाडौं उपत्यकामा अत्यावश्यकबाहेकका सबै सेवाहरु सञ्चालनमा रोक लगाउने गरी पुनः निषेधाज्ञाको समय लम्ब्याउने तयारी भै रहेकोछ । यसका लागि स्वास्थ्य, सुरक्षालगायतका विभिन्न क्षेत्रका सरोकारवालाहरुसँग समेत तीनै जिल्लाका प्रजिअले छलफल गरेका छन् । भदौ २ गतेदेखि शुरुभएको निषेधाज्ञाको समयावधि सकिनै लाग्दा काठमाडौं, ललितपुर र भक्तपुरका प्रमुख जिल्लाअधिकारीहरुले संयुक्त निर्णयसहित भदौ १५ गतेसम्मका लागि निषेधाज्ञा थप्ने तयारी गरेका हुन् ।
स्रोतका अनुसार निषेधाज्ञा थप गरिएमा यसलाई लागू गर्न पनि विशेष कडाई गर्न लागिएको छ । त्यसका लागि सुरक्षाकर्मीहरुलाई विशेष निगरानी र चेकजाँचका लागि आग्रह गरिने छ । उपत्यकाका तीनवटै जिल्लाका सुरक्षा समितिले पनि अहिलेकै अवस्थामा निषेधाज्ञा हटाउँदा कोरोना संक्रमण थप बढ्नसक्ने भन्दै यसलाई लम्ब्याउनुपर्नेमा जोड दिएका थिए । सरकारले गएको चैत्र ५ गतेदेखि कोरोना भाइरसको संक्रमण फैलन नदिन भन्दै देशव्यापी लकडाउन गरेको थियो भने साउनको पहिलो सातादेखि लकडाउन खुल्ला गरेको थियो ।
लकडाउन खुल्ला गरेसँगै कोरोना भाइरस संक्रमितको संख्यापनि बढ्दै गएपछि अहिले काठमाडौंलगायत देशका ४० भन्दा बढी जिल्लामा सम्बन्धित जिल्ला प्रशासन कार्यालयले निषेधाज्ञा घोषणा गरेका छन् भने कतिपयले सवारी साधन तथा मानिसहरुको आवागमनमा कडाई गरेका छन् ।
२०२६ पुष १७ गते बिहिबार
३० अगस्ट, २०२०काठमाडौं । काठमाडौं उपत्यकालगायत देशव्यापी रुपमा कोरोना...
२०२६ पुष १७ गते बिहिबार
२० जनवरी, २०२१न्यूर्योक । संयुक्त राज्य अमेरिकाको ४६ औं...
२०२६ पुष १७ गते बिहिबार
२६ अप्रिल, २०२०दकम । पूर्वी नेपालको झापामा कोरोना संक्रमित...
२०२६ पुष १७ गते बिहिबार
३० जुलाई, २०२०काठमाडौं । सरकारले गएको चैत्र ५ गतेपछि...
Top