पूर्वराजासहित उनको परिवारको स्वास्थ्य सुधारोन्मुख

Best Khabar Team | २०२६ पुष १७ गते बिहिबार

२५ अप्रिल, २०२१
काठमाडौं । कोरोना संक्रमणमा परेपछि काठमाडौंको नर्भिक अस्पतालमा उपचार गराईरहेका पूर्वराजा ज्ञानेन्द्र शाहसहित उनका परिवारका सदस्यको स्वास्थ्य सुधारोन्मुख रहेको अस्पतालले जनाएको छ । केही समयअघि भारतमा भएको एउटा धार्मिक कार्यक्रममा सहभागी भएर नेपाल फर्केलगत्तै कोरोना संक्रमण देखिएपछि पूर्वराज्ञा ज्ञानेन्द्र शाह, पूर्वरानी कोमल तथा पूर्व अधिराजकुमारी प्रेरणा शाह होम आइसोलेसनमा बसिरहेका थिए ।

**फाइल तस्वीर : पूर्वराजा ज्ञानेन्द्र तथा उनकी पत्नी कोमल शाह ।**

एकसातादेखि घरमै आइसोलेसनमा बसिरहेका पूर्वराजपरिवार स्वास्थ्य अवस्था विग्रन थालेपछि २ दिनअघि राजधानीको नर्भिक अस्पतालमा भर्ना भएका थिए । अस्पतालमा आएको समयमा भन्दा २ दिनपछि अहिले उनीहरुको स्वास्थ्यमा क्रमश सुधार हुँदै भएको अस्पतालले जनाएको छ । कोरोनाका कारण देखिएका लक्षण र असरहरुपनि तीनै जनामा विस्तारै कम हुँदै गएको अस्पतालको जनसम्पर्क शाखाले जनाएको छ ।

काठमाडौं उपत्यकामा अहिले कोरोनाका संक्रमित बढ्न थालेपछि राजधानीका प्राय सबै अस्पतालमा कोरोना संक्रमित उपचाररत छन् ।