Best Khabar Team | २०२६ पुष १७ गते बिहिबार
१८ जुन २०२०
कुवेत सिटी । रोजगारीका लागि कुवेत आएका र विभिन्न कारणले कारबाहीमा परेका एक सय ५० जना नेपालीलाई कुवेत सरकारले आज आफ्नै खर्चमा उद्दार गरिदिएको छ । कुवेत सरकारले रोजगारीका लागि यहाँ आएका नेपालीमध्ये विभिन्न गैरकानुनी गतिविधिमा संलग्न १ सय ५० जनालाई आज कुवेत सरकारकै खर्चमा उद्दार गरेको हो । करिब ३ हजार नेपालीहरु यस्ता गैरकानुनी गतिविधिमा संलग्न रहेको तथ्यांक कुवेत सरकारसँग छ ।
कारबाहीको दायरामा रहेका नेपालीहरुलाई कुवेत सरकारले कोरोनाको विश्वव्यापी प्रभावलाई मध्यनजर गर्दै आममाफी दिएको थियो । आममाफी दिएपनि कोरोना संक्रमणलाई मध्यनजर गर्दै जारी लकडाउनका कारण नेपाल फर्कन नसकेपछि उनीहरुलाई कुवेत सरकारले आफ्नै खर्चमा खाने र बस्ने व्यवस्था गर्दैै आएको थियो ।
सरकारी सेल्टरहरुमा राखिएका यस्ता नेपाली कामदारमध्ये पहिलो चरणमा १ सय ५० जनालाई उद्दार गरेर आज काठमाडौं पठाइएको कुवेतस्थित नेपाली दुतावास स्रोतको भनाई छ । उद्दार गरिएकामा अधिकांश महिलाहरु रहेका छन् । उनीहरुलाई आज बिहान काठमाडौं पु-याएर नेपाल सरकारको जिम्मामा छाडिदिइएको हो । कोरोनाको संक्रमण फैलिएपछि कुवेत सरकारले राहदानीमा भिषाको समय सकिएर पनि कुवेत बस्दै आएका तथा अन्य विभिन्न खाले गैरकानुनी कार्य गर्ने ३ हजार जना नेपाली र सोही संख्यामा भारतीयहरुलाई आममाफी दिएको थियो । कुवेतस्थित नेपाली दुतावाससँगको समन्वयमा कुवेत सरकारले बाँकी रहेका नेपालीहरुलाई पनि प्राथमिकताको आधारमा छिट्टै नेपाल पठाउने बुझिएको छ ।
कुवेतमा हाल करिब ५ हजार नेपाली नेपाल जाने प्रतिक्षामा रहेकाछन् । ती मध्ये ५ सयजना सरकारले गरेको चार्टर उडानमार्फत आफ्नै खर्चमा केहीदिनअघि काठमाडौं गैसकेका छन् । उद्दार गरिएका नेपालीहरुलाई काठमाडौं विमानस्थलबाट सिधै काठमाडौंका विभिन्न स्थानमा बनाइएका क्वारेन्टाइनमा पु-याइएको छ ।
२०२६ पुष १७ गते बिहिबार
२८ फेब्रुअरी, २०२१सन्धिखर्क, अर्घाखाँची । अर्घाखाँची जिल्लाको भुमिकास्थान नगरपालिकास्थित...
२०२६ पुष १७ गते बिहिबार
२४ मार्च, २०१९ काठमाडौं । कैलालीमा केही महिना अघि...
२०२६ पुष १७ गते बिहिबार
२० जनवरी, २०२१न्यूर्योक । गत नोभेम्बरमा भएको राष्ट्रपति चुनावमा...
२०७६ पुष १६ गते बुधबार
०१ जनवरी २०२०विगतका वर्षहरुमा जस्तै घरका भित्ताहरुमा राखिएका अंग्रेजी...
Top