बेचिएर फर्किका बालबालिकाको ‘सर्कस’ काठमाडौंमा

Best Khabar Team | २०२६ पुष १७ गते बिहिबार

१३ डिसेम्बर, २०१९
काठमाडौै बाल्यावस्थामा तस्करीमा परी उद्धार भई फर्किएका बालबालिकाहरुले काठमाडौंमा ‘सर्कस’ देखाउँदै छन् । उनीहरुको संरक्षका लागि भन्दै खोलिएका विभिन्न संघ संस्था र ‘सर्कस काठमाडौंको समन्वयमा जीन्दगीको उडान’ नाम दिइएको सर्कस देखाउन लागिएको हो । काठमाडौंमा आज पत्रकरा सम्मेलन गरी यो विषयमा जानकारी गराएको छ ।

‘राउण्ड टेबल १२’ का अध्यक्ष सज्जन अग्रवालले सर्कसमा सहभागीहरु विगतमा मानव तस्करीमा परेर उद्धार भई आएकाहरु हुने बताए । कार्यक्रममा ४७० विपन्न र आश्रित बालबालिकाहरु सहभागी हुने बताए । राउन्ड टेबुलको संयोजनमा प्रस्तुत हुने सर्कसबाट संकलित रकम बालिबालिकाको हितमा खर्च हुने ‘राउण्ड टेबल २५’ का अध्यक्ष साहिल अग्रवालले जानकारी गराए । राउण्ड टेबलले बालबालिकाको शिक्षा, स्वास्थ्य, पोषणलगायतका क्षेत्रमा टेवा पुग्ने कार्य गर्दै आएकोमा बाल्यावस्थामा पीडामा परेकाहरुलाई सहभागी गराई बालहितमा सर्कस आयोजना गर्न लागेको अग्रवालले बताए ।

उनले भने, ‘संकलित रकम बालबालिकाको हितमा खर्च गरिनेछ ।’ मानव तस्करीबाट निस्किएका बालबालिकाहरुद्धारा जागरुकता अभियान चलाउने र मानव तस्करीबाट बच्न सचेतना कार्यक्रम चलाउने बताए ।