कोरोनाबाट आक्रान्त बन्दै अमेरिका, संक्रमितको संख्या ३७७ पुग्यो, न्यूर्योकमा आपतकालको घोषणा

Best Khabar Team | २०७६ फाल्गुन २४ गते शनिबार

०७ मार्च, २०२०
न्यूर्योक । अमेरिकाका विभिन्न शहरहरुमा कोरोना भाइरसबाट संक्रमितको संख्या झण्डै ४ सयको हाराहारीमा पुगेको छ । यहाँको केन्द्रीय रोग नियन्त्रण तथा रोकथाम विभाग र स्थानीय सरकारहरुका अनुसार पछिल्लो केहीययता युहन्मा ३ र डाइमन प्रिन्सेसमा थप ४६ जना संक्रमित भेटिएका हुन् । योसँगै केही घण्टा यतामात्रै ४९ जना कोरोनाका नयाँ संक्रमित अमेरिकामा थपिएका छन् ।

यस्तै ग्राण्ड प्रिन्सेसबाट २१ जनामा संक्रमण भेटिएको पछिल्लो डाटा सार्वजनिक गरिएको छ । अमेरिका २९ राज्यमा अहिले कोरोना प्रभावितहरु भेटिएका छन् । अमेरिकाका अस्पतालमा अहिले सयौंको संख्यामा मानिसहरुको कोरोनाको टेस्ट भै रहेको छ । उनीहरुलाई आइसोलेनमा राखेर उपचार गरिँदै छ । यसैबीच कोरोनाको संक्रमण फैलन थालेपछि न्यूर्योक आपतकालको घोषणा गरिएको छ ।

यहाको राज्य सरकारले यो घोषणा गरेको छ । गर्भनर एन्ड्रयु कुओमोले यसबाट बच्नका लागि पूर्वतयारी तथा सावधानीका लागि भन्दै न्यूर्योकमा आपत्कालको घोषणा गरेको बताएका छन् । स्थानीय स्वास्थ्यकर्मीहरुको मनोबल उच्च राख्न राज्य सरकारले केही स्वास्थ्यकर्मीहरुको कोटा थप गर्दैछ । संक्रमितहरुको संख्या बढ्न नपाओस् भनेर चेकजाँच तीव्र बनाउने र आवश्यक सावधानी अपनाइने बताइएको छ ।