कोरोना संक्रमित बढेपछि उपत्यकामा थप कडाई गर्ने ३ जिल्लाका प्रजिअको निर्णय

Best Khabar Team | २०७७ श्रावण २३ गते शुक्रबार

०७ अगस्ट, २०२०
काठमाडौं । पछिल्ला दिनहरुमा लकडाउन खुल्ला भएसँगै काठमाडौं उपत्यकामा कोरोना संक्रमितको संख्या ह्वात्तै बढ्न थालेको छ । विशेष गरी सवारी साधन र अन्य पसल तथा उद्योगधन्दा खुलेसँगै मानिसहरुको चाप र गतिविधि बढ्न थालेको छ । यसैका कारण कोरोना संक्रमितको संख्या बढेको ठहरसहित उपत्यकामा सरकारी कामकाज तथा अन्य गतिविधिमा कडाई गरिने भएको छ ।

पछिल्ला दिनहरुमा कोरोना संक्रमितको सख्या बढ्दै गएपछि भिडभाड हुने ठाउँ तथा अन्य क्षेत्रहरुका गतिविधि तथा कामहरु सिमित बनाउने निर्णय प्रमुख जिल्ला अधिकारीहरुको बैठकले गरेको हो । त्यसका लागि जिल्ला प्रशासन कार्यालयबाट प्रवाह गरिने सेवाहरु आकस्मिकबाहेक अन्य सबै १५ दिनका लागि बन्द भएको छ । अन्य सरकारी कार्यालय तथा सेवा प्रवाह गर्नेहरुको हकमा भने सम्बन्धित कार्यालयले निर्णय गर्ने भएको छ ।

सरकारले कोरोना संक्रमितको संख्या बढ्न नदिनका लागि बिहीबारदेखि उपत्यकामा जोर विजोर गरेर सवारी साधन चलाउने निर्णय गृहमन्त्रालयले यसअघि नै गरिसकेको छ । यस्तै बढी संक्रमित भेटिएका स्थानमा तत्काल सो क्षेत्र सिल गर्ने निर्णय पनि प्रमुख जिल्ल अधिकारीहरुले गरेका छन् । माक्स र सेनिटाईटरको प्रयोग अनिवार्य गर्ने सहमति बैठकमा बनेको छ ।

अवस्था थप जटिल बन्दै गएको अवस्थामा भने आवश्यक परे पुनः लकडाउन नै गर्न सकिने विषयमा आजको बैठकमा छलफल भएको बताइएको छ

Comment from facebook