नेपालमा कोरोना संक्रमण बढ्दो : पछिल्लो २४ घण्टामा ४ सय २५ जना थपिए

Best Khabar Team | २०२६ पुष १७ गते बिहिबार

१४ जुन, २०२०
काठमाडौं । पछिल्ला केही साता यता नेपालमा कोरोना संक्रमणको दर तीव्र गतिमा फैलिन थालेको छ । विशेष गरी जेठको पहिलो सातादेखि देशभर कोरोनाको संक्रमण बढ्न थालेको हो । देशका विभिन्न जिल्लामा पछिल्लो २४ घण्टामा मात्रै थप २ सय २४ जनामा कोरोना संक्रमण
देखिएको छ ।

स्वास्थ्य तथा जनसंख्या मन्त्रालयले दिएको जानकारी अनुसार देशका विभिन्न जिल्लामा ४ सय २५ जना कोरोना संक्रमित थपिएका हुन् । योसँगै अब देशभर कोरोना संक्रमितको संख्या ५ हजार ७ सय ६० पुगेको छ । मन्त्रालयले दिएको जानकारी अनुसार हालसम्म कोरोनाका कारण १९ जनाले ज्यान गुमाएका छन् । यस्तै, देशभर सय ७४ जना उपचारपछि घर फर्केका छन् । पछिल्लो केही सातायता भारतबाट नेपाल फर्कने नेपालीहरुको संख्या ह्वात्तै बढ्दै गएपछि कोरोना संक्रमणको दर पनि बढ्न थालेको चिकित्सकहरु बताउँछन् ।

भारत अहिले दक्षिण एसियामा सबैभन्दा धेरै कोरोना संक्रमित भएको देश बन्न पुगेको छ । यस्तै विश्वको सबैभन्दा धेरै कोरोना संक्रमण फैलिएको देशको चौथो नम्बरमा भारत रहेको छ । भारतसँगको खुल्ला सिमाका कारण नेपालको लागि कोरोना निक्कै जोखिमपूर्ण बन्दै गएको छ ।