नेपालमा कोरोना संक्रमणको दर उच्च : २४ घण्टामा २२६ जना नयाँ संक्रमित थपिए

Best Khabar Team | २०७६ पुष २१ गते सोमबार

०१ जुन, २०२०
काठमाडौं । नेपालमा पछिल्ला दिनमा कोरोना संक्रमणको दर उच्च भएको छ । विशेषगरी भारतीय भूमिमा रहेका नेपालीहरुलाई नेपाल ल्याउन थालिएसँसँगै देशव्यापी रुपमा कोरोनाको संक्रमण पनि तीब्र बनेको हो । स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा पछिल्लो २४ घण्टामा देशभर २ सय २६ जनामा कोरोना संक्रमण पुष्टि भएको जनाएको छ ।

मन्त्रालयले अद्यावधिक गरेको पछिल्लो जानकारी अनुसार देशका विभिन्न प्रदेश र काठमाडौंको केन्द्रीय प्रयोगशालामा गरिएको परीक्षणका क्रममा देशका २ दर्जन बढी जिल्लाका थप २ सय २६ जनामा संक्रमण पुष्टि भएको हो । मन्त्रालयले दिएको जानकारी अनुसार पछिल्लो २४ घण्टामा निम्नअनुसारका जिल्लामा विरामी थपिएका छन् । पछिल्लो २४ घण्टामा थपिएका संक्रमितको संख्या र जिल्ला यसप्रकार रहेको छ ।

मकवानपुरमा १
सर्लाहीकामा ३८
सिरहामा ५
उदयपुरमा १
अछाममा १
कैलालीमा १४
बैतडीमा १
डोटीमा १
कञ्चनपुरमा १
झापामा २
नवलपरासीमा ३,
दैलेखमा ४१
जुम्लामा १९
सल्यानमा १०
सुर्खेतमा ५
कपिलवस्तुमा ४०
रौतहटमा १८,
बाँकेमा ७
दाङमा ९
धनुषामा ७ र,
महोत्तरीमा २ जना ।

मन्त्रलयले दिएको जानकराी अनुसार नेपालमा हालसम्म संक्रमितको संख्या १ हजार ७ ९८ पुगेको छ। जसमा ८ जनाको मृत्यु भै सकेको छ भने २ सय २१ जना उपचारपछि घर फर्केका छन् ।