इटलीमा कोरोनाको प्रकोप : झण्डै ६ करोड मानिसहरुलाई घरभित्रै बस्न सरकारको आदेश

Best Khabar Team | २०७७ आश्विन १७ गते शनिबार


१० मार्च, २०२०
रोम । पछिल्लो समयमा चीन बाहिर सबैभन्दा बढी कोरोना प्रभावित तथा मृतकको संख्या बढ्दै गएपछि युरोपेली मुलुक इटलीले आफ्ना देशका नागरिकहरुलाई आवातजावतमा रोक लगाएको छ । सरकारले करोडौं नागरिकहरुलाई घरभित्रै बस्नका लागि अनुरोध गरेको छ । कोरोनाको संक्रमण दिन दुगुना रात चौगुनाका दरले बढ्दै गएपछि यहाँको सरकारले नागरिकहरुलाई भाइरसको संक्रमण थप फैलन नदिन यस्तो निर्देशन दिएको छ ।

सरकारले अत्यावश्यक यात्रा गर्न भने पाईने तर त्यसका लागि सरकार र सम्बन्धित निकायबाट अनुमति लिनैपर्ने व्यवस्था गरेको छ । हिजो साँझ यहाँका प्रधानमन्त्री जुसेप कोन्टेले एक सन्देश जारी गर्दै जनतालाई घरभित्रै बस्न अनुरोध गरेका छन् । उनले कमजोरहरुलाई जोगाउनका लागि यो निर्णय गर्नुपरेको भन्दै सरकारले लागू गरेको यो नियम र आदेशलाई आत्मसाथ गरेमा कोरोना छिट्टै नियन्त्रणमा आउने विश्वास समेत व्यक्त गरे ।

इटलीमा कोरोनाको संक्रमणबाट हालसम्म ४६३ जनाको ज्यान गएको छ भने संक्रमणको दर पनि ह्वात्तै बढेको छ । बन्दरगाहमा रहेका क्रुज तथा पानीजहाजलाई पनि त्यहाँ बस्ने अनुमति नदिने सरकारले जनाएको छ । यस्तै रेलवे स्टेशनमा आउनेहरुको तापक्रम जाँच गर्न विशेष व्यवस्था गरिएको सरकारको भनाई छ । सरकारले लगाएको यो प्रतिबन्धको समयसम्म कोही कसैलाई इटली भ्रमणमा समेत रोक लगाइएको छ ।

यसका अलावा अत्यावश्यक परे अनुमति लिएर मात्रे हवाई यात्रा तथा अन्यत्र जान सकिने सरकारको भनाई छ । इटलीमा झण्डै ६ करोड मानिस छन् । सरकारको यो निर्णय पछि यी मानिसहरुले अबको केही समय घरभित्रै बस्नुपर्ने भएको छ । इटलीमा लाखौंको संख्यामा विदेशी पर्यटक तथा कामदारहरु रहेका छन् ।



Comment from facebook



थप खबर पढ्नुहोस्
एनआरएनएको नयाँ नेतृत्वका लागि अध्यक्षमा ५ जना भिड्दै, पहिलोपटक अनलाईन भोटिङ्ग हुँदै एनआरएनएको नयाँ नेतृत्वका लागि अध्यक्षमा ५ जना भिड्दै, पहिलोपटक अनलाईन भोटिङ्ग हुँदै

२०२६ पुष १७ गते बिहिबार

१२ अक्टोबर, २०२३लिंकरोड, बेल्जियम गैरआवासीय नेपाली सङ्घ (एनआरएनए)को ११औँ...

५ महिनाका लागि नयाँ प्रहरी प्रमुख नियुक्त, ज्ञवाली बने २७ औं प्रहरी महानिरीक्षक ५ महिनाका लागि नयाँ प्रहरी प्रमुख नियुक्त, ज्ञवाली बने २७ औं प्रहरी महानिरीक्षक

२०७७ कार्तिक १७ गते सोमबार

१० फेब्रुअरी, २०२० काठमाडौं । सरकारले ५ महिनाका लागि...

ट्रम्प प्रशासनले अमेरिकी नागरिकलाई क्युवा भ्रमणमा रोक लगायो ट्रम्प प्रशासनले अमेरिकी नागरिकलाई क्युवा भ्रमणमा रोक लगायो

२०७६ जेठ २३ गते बिहिबार

०६ जुन, २०१९न्यूयोर्क । छिमेकी मुलुक क्युवाको भ्रमणमा आफ्ना...

स्वीट्जरल्याण्डमा पनि भेटियो कोरोना भाइरस संक्रमित स्वीट्जरल्याण्डमा पनि भेटियो कोरोना भाइरस संक्रमित

२०२६ पुष १७ गते बिहिबार

२५ फेब्रुअरी, २०२० जुरिच । युरोपेली मुलुक स्वीट्जरल्याण्डमा पहिलोपटक...

Top