प्रधानमन्त्री दाहाललाई पत्नीशोक

Best Khabar Team | २०८० आश्विन ३ गते बुधबार

१२ जुलाई, २०२३
काठमाडौं । प्रधानमन्त्री पुष्पकमल दाहाल प्रचण्डकी धर्मपत्नी सिता दाहालको आज बिहान निधन भएको छ । लामो समयदेखि बिरामी रहेकी प्रधानमन्त्री पत्नी दाहालको आज बिहान उपचारको क्रममा काठमाडौंको नर्भिक अस्पतालमा निधन भएको हो ।

उनको स्वास्थ्यमा आज बिहान ८ थप समस्या देखिएपछि उपचारको लागि काठमाडौंको नर्भिक अस्पतालमा भर्ना गरिएको थियो । तर चिकित्सकहरुले केहीबेरपछि नै उनको मृत्यु भएको बताएका छन् । विगत लामो समयदेखि दाहाल पार्किन्सनजस्तो देखिने एक दुर्लभ रोगबाट पीडित थिइन् । यसअघि उनलाई उपचारको लागि सिंगापुर, भारत, अमेरिकालगायतका देशमा लगिएको थियो ।

तर स्वास्थ्यमा खासै सुधार आउन नसकेपछि उनलाई निजी चिकित्सकको निगरानीमा घरमै राखिएको थियो । ६९ वर्षकी दाहाल नेकपा माओवादी केन्द्रकी सल्लाहकार रहेत रहेकी थिइन् । उनको आजै पशुपति आर्यघाटमा अत्येष्टि गरिने उनको पारिवारिक स्रोतले जानकारी दिएको छ ।

Comment from facebook