नेपालमा रोकिएकाहरुलाई हङकङ र जापान जान बाटो खुल्यो

Best Khabar Team | २०७७ जेठ २ गते शुक्रबार

१५ मे, २०२०
काठमाडौं । कोरोनाको प्रकोपपछि भएको लकडाउनका कारण नेपालमा रोकिएर रहेका जापान तथा हङकङको भिषा भएकाहरुलाई यी देशमा जानको लागि बाटो खुल्ला भएको छ । आज बसेको उच्चस्तरीय समन्वय समितिको बैठकमा भएको छलफलमा स्थायी बसोबास वा कामका लागि भिषा लिएकाहरुलाई जापान तथा हङकङ फर्कन दिने निर्णय भएको हो ।

ती दुई देशले विदशेबाट आउने कामदारको जिम्म आफैं लिने बताइरहेका बेला सरकारले यस्तो निर्णय गरेको हो । तर यसरी जान चाहनेहरुले आवश्यक सबै खर्च भने आफैं बेहोर्नुपर्ने हुन्छ । हाल नेपालमा करिब ५ सयको हाराहारीमा जापान तथा हङकङ जानेहरु रोकिएर रहेको अनुमान गरिएको छ ।

उनीहरु छुट्टीमा परिवारलाई भेट्न, घुमघाम गर्न र अन्य व्यक्तिगत कारणले नेपाल आएका थिए । सरकारको यो निर्णय सँगै अब विमान चार्टर गरेर आफ्नै खर्चमा फर्कनका लागि उनीहरुलाई बाटो खुल्ला भएको छ ।