नवलपरासी, पर्सा, रुपन्देही र कपिलबस्तुमा आजमात्रै थपिए २४ जना संक्रमित, देशभर संक्रमितको संख्या २४३ पुग्यो (अपडेट)

Best Khabar Team | २०२६ पुष १७ गते बिहिबार

१३ मे, २०२०
काठमाडौं । नेपालमा कोरोना संक्रमितको संख्या २ सय ४३ पुगेको छ । स्वास्थ्य मन्त्रालयले दिएको जानकारी अनुसार कपिलबस्तु, पर्सा, नवलपरासी र रुपन्देहीमा गरी आज थप २४ जनामा कोरोना संक्रमण पुष्टि भएको छ । संक्रमणमा पर्नेहरुमा रुपेन्देहीका ९ जना पुरुष र ३ जना महिला रहेका छन् । यस्तै कपिलबस्तुका ८ जना पुरुष रहेका छन् ।

यस्तै पर्साका २ जना पुरुष १ महिला तथा नवलपरासीका १ पुरुषमा पनि कोरोना संक्रमण पुष्टि भएको छ । राष्ट्रिय प्रयोगशालामा गरिएको परिक्षणका क्रममा उनीहरुमा कोरोना पुष्टि भएको मन्त्रालयले जनाएको छ । संक्रमित सबैको अवस्था सामान्य रहेको छ । उनीहरुलाई सम्बन्धित जिल्लाको आइसोलेसनमा राखेर उपचार थालिएको छ । आजमात्रै चितवनमा एक महिलाले कोरोनालाई जितेर घर फर्केको मन्त्रालयको भनाई छ ।

Comment from facebook