hi himalaya nepal

युरोपेली मुलुक स्पेनमा फेरि बढ्दै कोरोना संक्रमित

Best Khabar Team | २०७७ श्रावण १ गते बिहिबार


१६ जुलाई, २०२०
सेभिल्ला, स्पेन । युरोपमा हालसम्म सबैभन्दा धेरै कोरोना संक्रमित भेटिएको मुलुकको सूचीमा सूचीकृत स्पेनमा पछिल्ला दिनहरुमा कोरोना संक्रमितको संख्या थपिदोँ क्रममा रहेको छ । गएको जुलाई एक तारिखबाट युरोपेली युनियनमा आबद्ध कतिपय देशहरुले युरोपेली युनियनभित्रको देशमा यात्रा लगायतका अन्य प्रतिबन्ध हटाएलगत्तै स्पेनमा कोरोना संक्रमितको संख्या बढ्न थालको हो ।

स्पेनभित्र अहिले विश्व स्वास्थ्य संगठनको मापदण्डलाई आधार बनाएर जनजीबन सामान्य बनाइएको छ । पछिल्लो तथ्यांकलाई आधार मान्ने हो भने स्पेनमा जुलाई ९ तारिखबाट पुनः कोरोना संक्रमितको संख्या बढ्न थालेको देखिएको छ । जुलाईको पहिलो साता स्पेनमा ४ सयको हाराहारीमा दैनिक नयाँ संक्रमित भेटिने गरेको भएपनि जुलाई ९ बाट यो संख्या पाँचसय बाट माथि लाग्न थालेको छ । जुलाई ८ मा ३ सय ८३ जना नयाँ संक्रमित भेटिएको स्पेनमा त्यसको २४ घण्टा वित्न नपाउँदै जुलाई ९ मा थप ५ सय ४३ जनामा कोरोना संक्रमण देखिएको थियो । यस्तै जुलाई १० मा ८ सय ५२ जना नयाँ संक्रमित थपिएका छन् ।

स्पेनमा जुन १५ मा लकडाउन भएका बेला कोरोना संक्रमितको संख्या घटेर २ सय भन्दा कम देखिएको थियो । तर यो क्रम जुलाईको १५ मा आइपुग्दा ह्वात्तै बढेको छ । जुलाई १५ अर्थात् बुधबार यहाँको सरकारले जारी गरेको पछिल्लो २४ घण्टाको कोरोना संक्रमित (नयाँ) को संख्या ८ सय ७५ रहेको छ । जुन गत मे २८ पछिको सबैभन्दा धेरै हो ।

मे २८ मा स्पेनमा १ हजार १ सय ३७ जना नयाँ संक्रमित भेटिएपछि त्ययसता संक्रमितको संख्या विस्तारै कम हुँदै गएको थियो । नयाँ संक्रमितको संख्या बढ्न थालेपछि स्पेन सरकारले यसलाई कसरी नियन्त्रण गर्न सकिन्छ भनेर नयाँ रणनीति तय गर्दैछ । नयाँ संक्रमितको संख्या थपिएपनि स्पेनमा कोरोनाबाट हुने मृत्यु दरभने निक्कै कम हुँदै गएको छ ।

स्पेनमा अहिलेपनि विद्यालय, स्वीमिङ्ग पुल, क्याम्पसलगायत बढी मानिसहरुको चहलपहल हुने क्षेत्र बन्द रहेको छ । यो समाचार तयार पार्दासम्म स्पेनमा ३ लाख ४ हजार ५ सय ७४ जना संक्रमित भेटिएका छन् । संक्रमितमध्ये २८ हजार ४ सय १३ जनाले ज्यान गुमाएका छन्



Comment from facebook



थप खबर पढ्नुहोस्
नेपालमा विदेशी उडान अप्रिल ३० सम्मका लागि रोकियो नेपालमा विदेशी उडान अप्रिल ३० सम्मका लागि रोकियो

२०७६ चैत्र २५ गते मंगलबार

०७ मार्च, २०२० काठमाडौं । सरकारले नेपालमा हुने अन्र्तराष्ट्रिय...

भारतमा शनिबार हालसम्मकै सबैभन्दा धेरै संक्रमित भेटिए, मृतको संख्या २८ सय नाघ्यो भारतमा शनिबार हालसम्मकै सबैभन्दा धेरै संक्रमित भेटिए, मृतको संख्या २८ सय नाघ्यो

२०७७ जेठ ३ गते शनिबार

१६ मे, २०२०नयाँदिल्ली । भारतमा शनिबार एकैदिन ४ हजार...

झण्डै ६५ दिन अन्तरिक्षमा बिताएर सकुशल पृथ्वीमा फर्किए दुई अमेरिकी अन्तरिक्ष यात्री झण्डै ६५ दिन अन्तरिक्षमा बिताएर सकुशल पृथ्वीमा फर्किए दुई अमेरिकी अन्तरिक्ष यात्री

२०७७ श्रावण १९ गते सोमबार

०३ अगस्ट, २०२०न्यूर्योक, अमेरिका । २ महिना लामो अन्तरिक्षको...

अमेरिकामा कोरोनाको ताण्डब : साढे ३ महिनामा ८५ हजार बढीको मृत्यु, संक्रमितको संख्या १४ लाख ३२ नाघ्यो अमेरिकामा कोरोनाको ताण्डब : साढे ३ महिनामा ८५ हजार बढीको मृत्यु, संक्रमितको संख्या १४ लाख ३२ नाघ्यो

२०७७ जेठ १ गते बिहिबार

१४ मे, २०२० सुनिल तिवारी– न्यूर्योक । कोरोना भाइरसको...

Top