नेपालमा कोरोना : २४ घण्टामा १६६ थपिए, कुल संक्रमितको संख्या १५६७ पुग्यो

Best Khabar Team | २०२६ पुष १७ गते बिहिबार


३१ मे, २०२०
काठमाडौं । पछिल्लो २४ घण्टामा देशका विभिन्न जिल्लामा थप १ सय ६६ जनामा कोरोना संक्रमण पुष्टि भएको छ । स्वास्थ्य मन्त्रालयले आज काठमडौंमा गरेको नियमित पत्रकार सम्मेलनमा दिइएको जानकारी अनुसार १ सय ६६ जना संक्रमित थपिएसँगै अब देशभर कोरोना संक्रमितको संख्या १ हजार ५ सय ६७ पुगेको छ ।

मन्त्रालयका अनुसार पूर्वी नेपालको झापाका विभिन्न स्थानमा थप ४ जनामा कोरोना देखिएको छ । यस्तै धनुषा जिल्लामा थप २१ जना संक्रमित भेटिएका छन् । कपिलवस्तुकामा ५ जना र रौटहतका २९ जना संक्रमित थपिएका छन् । दुई नम्बर प्रदेशमा पर्ने सर्लाहीका १० जनामा कोरोना संक्रमण पुष्टि भएको छ । यता चार नम्बर प्रदेश अन्र्तगत पर्ने तनहुँमा १ जना, स्याङ्जाका २ जनामा कोरोना पुष्टि भएको छ ।

यस्तै मन्त्रालयले दिएको जानकारी अनुसार पर्साका ५ जना, कालिकोटका १८ जना, दैलेखका १८ जना, बाजुराका १ जनामा कोरोना संक्रमण पुष्टि भएको छ । सल्यानका २५ जना, सुर्खेतका १ जना , बाँकेका ४ जना, नेपालगञ्जका ४ जना, सप्तरीका १२ जना, कैलालीका ३ जना र बाजुराका २ जनामा पछिल्लो २४ घण्टा यता कोरोना संक्रमण पुष्टि भएको हो ।

उनीहरु सबैको अवस्था सामान्य रहेको र उनीहरुको हाल चिकित्सकको निगरानीमा उपचार भै रहेको मन्त्रालयको भनाई छ । मन्त्रालयले उपलब्ध गराएको पछिल्लो विवरण अनुसार हालसम्म २ सय २० जना कोरोनालाई जितेर घर फर्केका छन् । यस्तै देशभरी १ हजार ३ सय उन्चास जना आइसोलेसनमा रहेको भन्दै सरकारले करिब एक लाख ३० हजार जनालाई क्वारेन्टाइनमा राखिएको जनाएको छ ।

कोरोनाका कारण हालसम्म देशभर ८ जनाको मृत्यु भएको पुष्टि सरकारले गरेको छ । बाजुरामा आइसोलेसनमा रहेकी एक बालिकाको मृत्यु पनि कोरोनाकै कारण भएको पुष्टि सरकारले गरेको छ।



Comment from facebook



थप खबर पढ्नुहोस्
३ अमेरिकी सहरमा गोलीकाण्ड : १ को मृत्यु, २ दर्जन बढी घाइते ३ अमेरिकी सहरमा गोलीकाण्ड : १ को मृत्यु, २ दर्जन बढी घाइते

२०२६ पुष १७ गते बिहिबार

२४ डिसेम्बर न्यूयोर्क । अमेरिकाका तीन फरक फरक शहरमा...

कोरोना भाइरसको प्रकोपमा विश्व पर्यटन कोरोना भाइरसको प्रकोपमा विश्व पर्यटन

२०२६ पुष १७ गते बिहिबार

१६ अप्रिल, २०२०प्रदिप शर्मा काठमाडौं । कोरोना भाइरस (कोभिड...

भारतमा तेश्रोपटक फेरि थपियो ‘लकडाउन’ भारतमा तेश्रोपटक फेरि थपियो ‘लकडाउन’

२०७६ पुष २० गते आइतबार

०१ मे, २०२०उत्तरप्रदेश । भारतमा पछिल्ला दिनमा कोरोना संक्रमितको...

भूकम्पको ५ वर्षपछि दरबार हाइस्कुलको नयाँ भवनमा पठनपाठन शुरु भूकम्पको ५ वर्षपछि दरबार हाइस्कुलको नयाँ भवनमा पठनपाठन शुरु

२०७७ माघ २० गते मंगलबार

०२ फेब्रुअरी, २०२१काठमाडौं । २०७२ साल बैशाखमा गएको महाभूकम्पले...

Top