‘युद्धकालमा’ छाडिएको बम पड्कँदा रोल्पामा ४ बालबालिकाको मृत्यु

Best Khabar Team | २०२६ पुष १७ गते बिहिबार


३० अप्रिल, २०२०
लिवाङ्ग । युद्दकालमा जमिनमा छाडिएको बम विस्फोट हुँदा रोल्पाको त्रिवेणीमा ४ जना बालबालिकाले ज्यान गुमाएका छन् । जिल्ला प्रहरी कार्यालयले दिएको जानकारी अनुसार जिल्लाको त्रिवेणी गाउँपालिका वडा नम्बर ७ मा आज साँझ सो घटना भएको थियो । सशस्त्र युद्दका बेला प्रयोगमा नआएको बम जमिनमा भेटेका बालबालिकाले खेलौना सम्झेर त्यसलाई खेलाउँदा एक्कासी विस्फोट भएको स्थनीयको भनाई छ ।

जिल्ला प्रहरी कार्यालय रोल्पाका प्रहरी प्रमुख चित्रबहादुर गुरुङले घटनाको पुष्टि गरेपनि विस्तृत विवरण प्राप्त हुन नसकेको र अहिले घटनास्थलमा प्रहरी टोली जाँदै गरेको जानकारी दिएका छन् । गाउँमा बाख्रा चराएर साँझ घर फर्कँदै गरेका बालबालिकाले सो बम घर नजिकैको जंगल छेउमा भेटेका थिए । हेर्दा खेलौना जस्तो देखिएको सो बम विस्फोट हुँदा चारैजना बालबालिको घटनास्थलमै ज्यान गएको हो ।

घटनामा ज्यान गुमाउने बालबालिकामा १४ वर्षीय नोकिराम डाँगी, १४ वर्षीय गौरव नेपाली, ११ वर्षीय विमला खत्री र ५ वर्षीय विजय खत्री छन्। विजय र विमला एकै परिवारका दिदीभाई रहेका छन् । घटनास्थलमा अर्को बम पनि फेला परेको बताइएको छ । प्रहरीले दिएको जानकारी अनुसार सशस्त्र युद्दका बेला छाडिएको सो बमलाई बालबालिकाले खेलौना सम्झेर खेलाएको र त्यही विस्फोट भएर उनीहरुको ज्यान गएको हो ।



Comment from facebook



थप खबर पढ्नुहोस्
नेपालमा कोरोना संक्रमण रोक्न सरकारले गरेको प्रयास सकारात्मक नेपालमा कोरोना संक्रमण रोक्न सरकारले गरेको प्रयास सकारात्मक

२०७७ कार्तिक १९ गते बुधबार

काठमाडौं । नेपाल सरकारले कोरोना नियन्त्रणका लागि हालसम्म गरेको...

प्रधानमन्त्री ओली युरोप आउँदै प्रधानमन्त्री ओली युरोप आउँदै

२०७५ माघ २३ गते बुधबार

पी.एल. तरंग/ब्रसेल्स ०२ जुन, २०१९यही जुन ८ तारिखमा स्विटजरल्याण्डको...

प्रतिवेदन भन्छ : तत्कालीन पर्यटनमन्त्री चढेको हेलिकोप्टर दुर्घटनाको कारण पाइलट प्रतिवेदन भन्छ : तत्कालीन पर्यटनमन्त्री चढेको हेलिकोप्टर दुर्घटनाको कारण पाइलट

२०२६ पुष १७ गते बिहिबार

२५ फेब्रुअरी, २०२०काठमाडौं । तत्कालीन पर्यटनमन्त्री रवीन्द्र अधिकारीलगायत चढेको...

चलचित्र नायक अनमोल केसीविरुद्ध लाखौं ठगीको आरोपमा प्रहरीमा उजुरी चलचित्र नायक अनमोल केसीविरुद्ध लाखौं ठगीको आरोपमा प्रहरीमा उजुरी

२०२६ पुष १७ गते बिहिबार

२८ फेब्रुअरी, २०२० काठमाडौं । पछिल्लो समयमा नेपाली चलचित्रमा...

Top