राष्ट्रिय र अन्तर्राष्ट्रिय उडान असार १६ (जुन ३०) सम्म बन्द गर्ने सरकारको निर्णय

Best Khabar Team | २०२६ पुष १७ गते बिहिबार

३० मे, २०२०
काठमाडौं । सरकारले कोरोना (कोभिड–१९) लाई मध्यनजर गर्दै अगामी असार १६ गते मंगलबार अर्थात् जुन ३० तारिख सम्मका लागि सबै राष्ट्रिय तथा अन्तर्राष्ट्रिय उडानमा प्रतिबन्ध लगाउने निर्णय गरेको छ । नेपाल सरकार मन्त्रीपरिषद्को आज साँझ बसेको बैठकले सम्भावित कोरोना जोखिमलाई मध्यनजर गर्दै यसअघि लगाईँदै आएको विमान उडानमाथिको प्रतिबन्धको समयलाई थप्ने निर्णय गरेको हो ।

यसअघि सरकारले आगामी जेठ ३१ अर्थात् जुन १३ सम्मको लागि अन्र्तराष्ट्रिय उडान र सीमा नाका बन्द गर्ने घोषणा गरेको थियो । यसअघि छिमेकी मुलुक भारतले पनि आजै मन्त्रीपरिषद्को बैठक बसेर तत्कालका लागि सीमा नाका तथा विमान सेवा सञ्चालन नगर्ने बताएको केही घण्टापछि नै नेपाल सरकारले पनि तत्काल विमान सेवा सञ्चालन नगर्ने निर्णय गरेको हो ।

नेपालका तराईससहित ५६ जिल्लामा हालसम्म कोरोना संक्रमित भेटिएको र भारतबाट नेपाल आउने मजदुरहरु हजारौंको संख्यामा क्वारेन्टाइनमा रहेकोले सम्भावित कोरोनालाई मध्यनजर गर्दै आगामी जेठ ३२ गतेसम्मका लागि लकडाउन लम्ब्याउने घोषणा पनि आजैको मन्त्रीपरिषद् बैठकले गरेको छ ।