होसियार ! सामाजिक सञ्जाल वा अनलाईनको बहानामा झुठ्ठा अफबाह फैलाउँदै हुनुहुन्छ : १ बर्ष कैद र १० हजार जरिवानाको भागीदार बन्नुपर्ला

Best Khabar Team | २०७६ चैत्र ८ गते शनिबार

२१ मार्च, २०२०
काठमाडौं । विश्वसमुदाय यतिबेला कोरोना भाइरसको प्रकोपबाट गुज्रिरहेको छ । नेपाल नेपाल सरकार र सिँगो देश यतिबेला कोरोनाको रोकथामको लागि पूर्वतयारीमा जुटेको छ । तर यो बेलामा समाजलाई आतंकित बनाउने व्यक्ति, समूह, सामाजिक सञ्जाल प्रयोगकर्ता वा अनलाईन र युट्युव च्यानलहरु पनि यतिबेला सक्रिय हुन थालेका छन् । शुक्रबार र शनिबारमात्रै कोरोनाका विषयमा विभिन्न खाले भ्रामक सूचनाहरु सामाजिक सञ्जालबाट सार्वजनिक भए, नर्भिकमा कोरोना जाँच गरिएकोमो पोजेटिभ देखिएको देखि सेनाको हेलिकोप्टरले कोरोनाको किटाणु छर्नेसम्मका ।

यही क्रममा सामाजिक सञ्जालमा नर्भिक अस्पतालसँग जोडेर अडियो सार्वजनिक गर्ने युवक विवेक थापा मगरलाई लाई प्रहरीले नियन्त्रणमा लिएर कारबाहीको प्रक्रिया अघि बढाएको छ । नेपालको मुलुकी अपराध संहिता अनुसार यसरी झुठा अफवाह फैलाए एक वर्षसम्म कैद र १० लाख जरिवाना हुनसक्ने व्यवस्था छ ।

हेर्नोस् मुलुकी ऐनमा उल्लेख भएको अपराध संहिताको महलमा के लेखिएको छ ?

७०. झुठ्ठा अफबाह फैलाउन नहुनेः (१) कसैले सार्वजनिक शान्ति भङ्ग गर्ने, हूलदङ्गा गर्ने वा नेपालको सार्वभौमसत्ता, भौगोलिक वा प्रादेशिक अखण्डता वा विभिन्न जात, जाति वा सम्प्रदायबिचको सुमधुर सम्बन्धलाई खलल पार्ने नियतले कसैलाई उक्साउने गरी नभए नगरेको अफबाह फैलाउन, प्रचार प्रसार गर्न वा नारा जुलुश गर्न हुँदैन ।
(२) उपदफा (१) बमोजिमको कसूर गर्ने वा गराउने व्यक्तिलाई एक वर्षसम्म कैद वा दश हजार रुपैयाँसम्म जरिबाना वा दुवै सजाय हुनेछ ।