कतारमा कोरोना : १४ देशका नागरिकलाई कतार प्रवेशमा अस्थायी रोक लगाइयो

Best Khabar Team | २०७६ फाल्गुन २६ गते सोमबार

०९ मार्च, २०२०
दोहो । कतारले कोरोना भाईरसको प्रकोप रोक्नका लागि विश्वका विभिन्न १४ देशका नागरिकलाई कतार प्रवेशमा रोक लगाएको छ । कतारले नेपाल, भारत, इराक, इरान, लेबनान, इजिप्ट, चीन, बंगलादेश, श्रीलंका, दक्षिण कोरिया, फिलिपिन्सलगायतका देशका नागरिकलाई तत्कालका लागि कतारको कुनैपनि भूभागमा प्रवेशमा अस्थायी रोक लगाएको जनाएको छ ।

विशेष गरी कोरोना प्रभावित मुलुक र सोसँग सिमाना जोडिएका खतरापूर्ण देशहरुका नागरिकलाई प्रवेशमा रोक लगाएको हो । यसका अलवा थाईल्याण्ड र सिरियाबाट कतार जाने हवाई यात्रुहरुमाथि पनि अस्थायी प्रतिबन्ध लगाईको छ । कतारमा हालसम्म १५ जनामा कोरोनाको संक्रमण देखिएपछि यसको संक्रमण फैलिन नदिन ती देशका नागरिकलाई तत्काल कतारमा हवाई तथा अन्य माध्यमबाट आउनका लागि रोक लगाईको कतारको सरकारले जनाएको छ ।

कतारले यसअघि इटलीसँगको हवाईसम्पर्क भने तत्कालका लागि स्थगित गरिसकेको छ । कतारले कोरोनाको संक्रमण बढ्न नदिन यस्तो निर्णय गर्नुपरेको यसबाट असहज परिस्थिति प्रति क्षमायाचना समेत गरेको छ ।