भारतमा लिगमा सुतिरहेका १६ मजदुरको रेलले किचेर मृत्यु, रोटी लिएर यात्रा गरेका थिए मजदुरले…

Best Khabar Team | २०७७ बैशाख २६ गते शुक्रबार


०८ मे, २०२०
नयाँदिल्ली । भारतमा रेलले किचेर १६ जना मजदुरको ज्यान गएको छ । भारतीय सञ्चारमाध्यमहरुले उल्लेख गरे अनुसार भारतमा जारी लकडाउनको चपेटमा परेका मजदुरहरु हिँडेरै घर जाने क्रममा स्थानीय औरंगाबादमा रेलको लिगमा बास बसेका थिए । बिहान ५ बजेतिर मजदुर सुतिरहेका बेला एक्कासी आएको रेलले किच्दा उनीहरुको घटनास्थमै ज्यान गएको हो ।

मजदुरहरुले बाटोमा खानको लागि ल्याएको रोटी दुर्घटनापछि रेलको लिकमा छरिएको अवस्थामा ।

रेलको लिगमा सुतिरहेका बेला एक्कासी रेल उनीहरुको शरीरमाथिबाट गुडेको थियो । महाराष्ट्रमा भएको सो घटनामा अरु ५ जना घाइते भएका छन् । स्थानीय स्टील कारखानामा कार्यरत २१ जना मजदुरहरु लकडाउनको प्रभावका कारण हिँडेरै आफ्नो घर तर्फ लागेका थिए । रेलको लिगमै बास बसेका बेला बिहान सबेरै सो घटना भएको हो ।

लकडाउनका बाबजूत गन्तव्यमा निस्केका कारण सम्भावित चुनौतीलाई समना गर्न उनीहरुले रोटी बोकेर यात्रा गरेका थिए । दुर्घटनापछि रेलको लिगमा भेटिएको रोटीले यसलाई पुष्टि गरेको छ । यो फोटो अहिले सामाजिक सञ्जालमा भाइरसल भएको छ ।

बिहान ५ बजेतिर भएको सो घटनामा घाइते ५ जनाको स्थानीय महाराष्ट्र अस्पतालमा उपचार भै रहेको छ । घटनाको विषयमा भारतीय प्रधानमन्त्री नरेन्द्र मोदीले समेत दुःख व्यक्त गर्दै घाइतेको उपचार तथा मृतकका परिवारलाई उचित राहत दिन रेलमन्त्रीलाई निर्देशन दिइसकेका छन् ।

तर भारतीय रेलमन्त्रीले भने रेलका चालकले लिगमा मजदुरहरु सुतेका देखेर रेल रोक्न खोजेको भएपनि रेल तीव्र गतिमा रहेका कारण नियन्त्रण गर्न नसकिएको प्रतिक्रिया दिएका छन् । भारतमा आगामी मे १७ तारिखसम्मका लागि लकडाउन लम्बिएपछि मजदुरहरु हप्तौ लगाएर हिँडेरै आफ्नो घर गाउँ फर्कन थालेका छन् ।

मृतक सबै भारतको महाराष्ट्र जिल्लाका छन् । घटनाको स्थानीय वासिन्दाले तीब्र विरोध जनाएका छन् । दैनिक उपभोग्य सामग्री लिएर आएको सो मालबाहक रेलका चालकलाई नियन्त्रणमा लिएर अहिले प्रहरीले अनुसन्धान अघि बढाएको जनाएको छ ।



Comment from facebook



थप खबर पढ्नुहोस्
नवलपरासी दुर्घटना : ४ को मृत्यु, ८ घाइते नवलपरासी दुर्घटना : ४ को मृत्यु, ८ घाइते

२०७६ माघ २९ गते बुधबार

१२ फेब्रुअरी, २०२०परासी । नबलपरासीमा गएराति लु ४ त...

ब्राजिल बन्यो कोरोनाको पछिल्लो इपिसेन्टर : विश्वकै तेश्रो बढी संक्रमित ब्राजिलमा २० हजार बढीको मृत्यु ब्राजिल बन्यो कोरोनाको पछिल्लो इपिसेन्टर : विश्वकै तेश्रो बढी संक्रमित ब्राजिलमा २० हजार बढीको मृत्यु

२०७७ जेठ ९ गते शुक्रबार

२२ मे, २०२०साउ पाउलो, ब्राजिल । दक्षिण अमेरिकी मुलुक...

बाग्लुङ्गको ढोरपाटनमा बाढीले एकदर्जन बढी घर बगायो, ८ को मृत्यु, केही वेपत्ता बाग्लुङ्गको ढोरपाटनमा बाढीले एकदर्जन बढी घर बगायो, ८ को मृत्यु, केही वेपत्ता

२०७७ भाद्र १८ गते बिहिबार

०२ सेप्टेम्बर, २०२०बलेवा, बाग्लुङ्ग । बाग्लुङ्गको ढोरपाटन नगरपालिकाको लाँकुरीबोट...

कोरोनाबारे भ्रम फैलाउने सञ्चारमाध्यम र सामाजिक सञ्जाल प्रयोगकर्तालाई कडा कारबाही गर्ने सरकारको घोषणा कोरोनाबारे भ्रम फैलाउने सञ्चारमाध्यम र सामाजिक सञ्जाल प्रयोगकर्तालाई कडा कारबाही गर्ने सरकारको घोषणा

२०७६ चैत्र ५ गते बुधबार

१८ मार्च, २०२० काठमाडौं । सरकारले विश्वव्यापीरुपमा महामारीको रुपमा...

Top