चट्याङ्ग लागेर दाङ्गमा दुई बालबालिका सहित ३ को मृत्यु

Best Khabar Team | २०७७ श्रावण १८ गते आइतबार

०८ फेब्रुअरी, २०२०
घोराही । दाङ्गमा आज दिउँसो फरक फरक समयका परेको चट्याङ्ग लागेर २ बालबालिकासहित ३ जनाको मृत्यु भएको छ । जिल्ला प्रहरी कार्यालय दाङ्गले दिएको जानकारी अनुसार जिल्लाको तुलसीपुर उपमहानगरपालिका र घोराही उपमहानगरपालिका आज दिउँसो छुट्टाछुट्टै समयमा परेको चट्याङ्गमा परी ३ जनाको ज्यान गएको हो ।

तुलसीपुर उपमहानगरपालिका स्थित गीता चौधरी र लक्ष्मी आचार्यको घरमा एकै समयमा दुईवटा चट्याङ्ग परेको थियो । जसमा परी दुई जनाको मृत्यु भएको थियो । यस्तै घोराहीको हापुरमा रहेको सूर्यबहादुर पुरीको घरमा सोही आसपासको समयमा परेको चट्याङ्गबाट अर्का एक जनाको घटनास्थलमै ज्यान गएको हो ।

सो घटनामा स्थानीय ७ वर्षकी बालिका सृष्टि चौधरी र सोही ठाउँकै ५४ वर्षीया लक्ष्मी आचार्यको उपचारको क्रममा तुलसीपुरमा निधन भएको हो । यस्तै घोराहीमा भएको अर्को घटनामा स्थानीय ८ वर्षका बालक ताराबहादुर देव पुरीको ज्यान गएको छ । उनको पनि उपचारका लागि अस्पताल पु¥याएलगत्तै ज्यान गएको हो । मृतक सबै घर आसपासमै रहेका बेला एक्कासी चट्याङ्ग परेको थियो ।

Comment from facebook