चौधौं शताब्दीमा करोडौं मानिसको ज्यान लिएको ‘प्लेग’ रोग देखियो मंगोलियामा

Best Khabar Team | २०७७ जेठ २५ गते आइतबार


०६ जुलाई, २०२०
बेइजिङ्ग । कोरोना भाइरसको संक्रमणको केन्द्रविन्दु बनेको चीनको स्वासाति भूमि मंगोलियामा फेरि अर्को प्राणघात रोग देखा परेको छ । प्लेग नामबाट परिचित एउटा प्राणघात रोगबाट संक्रमित एकजना विरामी केहीदिनअघि मंगोलियाको एउटा गाउँमा फेला परेका छन् । चीन स्वसाशित मंगोलियामा एकजना गोठाला पुरुष व्यक्तिमा प्लग रोग देखिएको अन्र्तराष्ट्रिय सञ्चारमाध्यमहरुले उल्लेख गरेका छन् ।

प्राणघातक रोगको रुपमा चिनिएको प्लग रोग देखिएपछि उनलाई अहिले मंगोलियाकै एक‘विशेष खालको क्वारेन्टिनमा’ राखिएको सञ्चारमाध्यमहरुले जनाएका छन् । विशेष गरी जंगली जनावरको मासु खाँदा देखिने यो रोग गत वर्षपनि मंगोलियामा देखिएको थियो । गतवर्ष २ जनामा यसको संक्रमण देखिएको थियो । चौधौं शताब्दीमा करोडौं मानिसहरुको ज्यान लिएको यो रोगले सोह्रौं शताब्दीमा पनि विश्वका केही मुलुकमा ठूलो मानवीय क्षति पु-याएको थियो । यस्तै उन्नाईशौं शताब्दीमा बेलायतमा पनि करोडौंले यही रोगका कारण ज्यान गुमाएका थिए ।

अहिले मंगोलियामा प्लग रोग देखिएसँगै चिकित्सकहरुले सावधानी अपनाउनका लागि नागरिकहरुलाई अनुरोध गरेका छन् । मंगोलियामा कतिपय अदिवासी तथा किसानहरुले रोग प्रतिरोधी क्षमता बढाउने भन्दै जंगली जनावरको मासु राम्ररी नपकाईकनै खाने गर्दछन् । अहिले देखिएको प्लेग संक्रमित पनि एकजना आदिवासी गोठाला भएको बताइएको छ । यद्यपि उनमा कसरी प्लेग रोग फैलियो भन्ने खुल्न सकेको छैन ।

मंगोलियाको बायान्नुरस्थित ग्रामीण भेगमा रहेका ती व्यक्तिमा संक्रमण देखिएपछि अब उनलाई चिकित्सकहरुको निगरानीमा राखेर उपचार थालिएको छ । आजभन्दा ७ शताब्दीअघि युरोप, एसिया तथा अफ्रिकी मुलुकहरुमा महामारीका रुपमा फैलिएको प्लेग रोगका कारण करोडौंले ज्यान गुमाएपनि पछिल्ला वर्षहरुमा यो रोगका विरामीहरु एकदमै न्यून मात्रामा देखिँदै आएका छन् ।

स्वास प्रश्वासमा समस्या देखिने तथा ग्रन्थीहरु सुन्निने जस्ता सामान्य लक्षण शुरुमा देखिने भएपनि यो रोगको भाइरस शरीरमा फैलँदै जाँदा मानिसहरु निक्कै कमजोर बन्ने र मृत्युवरण गर्न पुग्ने चिकित्सकहरुको भनाई छ ।



Comment from facebook



थप खबर पढ्नुहोस्
कोरोनाको कारण धुलिखेलमा मृत्यु भएकी सिन्धुपाल्चोककी महिलाको काठमाडौंमा दाहसंस्कार ! कोरोनाको कारण धुलिखेलमा मृत्यु भएकी सिन्धुपाल्चोककी महिलाको काठमाडौंमा दाहसंस्कार !

२०२६ पुष १७ गते बिहिबार

१६ मे, २०२०काठमाडौं । बिहीबार राती काभ्रेको धुलिखेल अस्पतालमा...

मन्त्रीपरिषद्को बैठक बालुवाटारमा : ‘लकडाउन’ एकसाता थपिने सम्भावना मन्त्रीपरिषद्को बैठक बालुवाटारमा : ‘लकडाउन’ एकसाता थपिने सम्भावना

२०७७ जेठ २२ गते बिहिबार

०६ मार्च, २०२० काठमाडौं । सरकारले कोरोना भाइरसको रोकथाम...

पोखरामा ७२ जना सवार यात्रुबाहक विमान दुर्घटना, विस्तृत विवरण आउन बाँकी पोखरामा ७२ जना सवार यात्रुबाहक विमान दुर्घटना, विस्तृत विवरण आउन बाँकी

२०२६ पुष १७ गते बिहिबार

१५ जनवरी, २०२३चिप्लेढुंगा, पोखरा । निजी बायुसेवा निगम एति...

पुराना संगीतकर्मी तथा गायक सञ्जीप प्रधानका बुबा गणेशभक्तको निधन पुराना संगीतकर्मी तथा गायक सञ्जीप प्रधानका बुबा गणेशभक्तको निधन

२०७७ आश्विन १६ गते शुक्रबार

१०, फेब्रुअरी, २०२० काठमाडौं । ५० र ६० को...

Top