धादिङ्की गर्भवती महिलामा कोरोना : प्रसुती गृहबाट टेकु पठाइँदै

Best Khabar Team | २०७६ माघ २३ गते बिहिबार


०२ जुन, २०२०
धादिङ्बेसी । धादिङ् जिल्ला स्थायी घर भएकी एक महिलामा कोरोना संक्रमण पुष्टि भएको छ । उनी गर्भवती रहेको र विभिन्न समस्या देखिएपछि उपचारका लागि २ दिनअघि काठमाडौंको थापाथलीमा रहेको प्रसुती गृहमा भर्ना भएकी थिइन् । रिँगटा लाग्ने, ज्वरो आउने तथा पिसाव पोल्नेलगायतका समस्या देखिएपछि उनी प्रसुती गृहमा भर्ना भएकी थिइन ।

उनमा देखिएको लक्षणमध्ये केही कोरोनासँग मिल्दोजुल्दो देखिए पनि उनको स्वाब परीक्षण गरिएको थियो । २२ वर्षकी ती युवती केहीदिनअघि अस्पतालमा भर्ना भएको र सोही दिन स्वाब परीक्षणका लागि टेकुस्थित प्रयोगशाला पठाइएको अस्पतालले जनाएको छ । आज प्रयोगशालाले दिएको रिपोर्टमा उनमा कोरोना संक्रमण पुष्टि गरेको छ । उनलाई अहिले अस्पतालको क्वारेन्टाइनमा राखेर उपचार गरिरहेको र थप उपचारका लागि टेकुस्थित सरुवा रोग स्पतालमा पठाउने अस्पताले जनाएको छ ।

गर्भवती अवस्थामा कोरोनाको संक्रमण उच्च हुने भएकाले उनको विशेष निगरानीका साथ उपचार अघि बढाउने चिकित्सकहरुले बताएका छन् । ती महिलामा कोरोना संक्रमण देखिएपछि उनको उपचारमा संलग्न चिकित्सकहरुको पनि स्वब परीक्षणका लागि टेकु पठाइएको छ । २ साता अघि सिन्धुपाल्चोकमा सुत्केरी महिलाको कोरोनाका कारण निधन भएसँगै गर्भवतीहरु कोरोनाको उच्च जोखिममा रहेको भन्दै सरकारले देशभरका गर्भवती तथा सुत्केही महिलाहरुलाई थप सावधानी अपनाउन आग्रह गरिसकेको छ ।



Comment from facebook



थप खबर पढ्नुहोस्
डेढ दशकपछि पुनः पृथ्वी जयन्तीमा सार्वजनिक विदा ! डेढ दशकपछि पुनः पृथ्वी जयन्तीमा सार्वजनिक विदा !

२०८० भाद्र १५ गते शुक्रबार

०९ जनवरी, २०२३काठमाडौं । झण्डै डेढ दशकपछि राष्ट्रनिर्माता पृथ्वी...

अष्ट्रेलियामा आगोको वितण्डा अष्ट्रेलियामा आगोको वितण्डा

२०७६ चैत्र १९ गते बुधबार

०४ जनवरी, २०२० मेलबर्न । अष्ट्रेलियाको भिक्टोरिया राज्यको जंगलमा...

केबलबारसँगै मनकामनाका होटल बन्द, नाम्चेका होटलमा व्यवसायीले ताला मारे केबलबारसँगै मनकामनाका होटल बन्द, नाम्चेका होटलमा व्यवसायीले ताला मारे

२०२६ पुष १७ गते बिहिबार

१९ मार्च, २०२० गोरखा । सरकारले २५ जनाभन्दा बढी...

हुम्लामा पनि जीप दुर्घटना,  सबै यात्रु नदीमा वेपत्ता, खोजी जारी हुम्लामा पनि जीप दुर्घटना, सबै यात्रु नदीमा वेपत्ता, खोजी जारी

२०२६ पुष १७ गते बिहिबार

१७ जुन, २०१९ काठमाडौं । विकट पहाडी जिल्ला बझाङ्मा...

Top