Best Khabar Team | २०७७ बैशाख ५ गते शुक्रबार

---

१७ अप्रिल, २०२०
काठमाडौं । कोरोना रोगका संक्रमितहरुको संख्या बढ्दै गएपछि सरकारले अब लामो दुरीमा रहेका गन्तव्यमा हिँडेर जान समेत प्रतिबन्ध लगाएको छ । प्रधानमन्त्री केपी शर्मा ओलीले लामो दुरीमा हिँडेर जाँदा मजदुरहरु दोहोरो जोखिममा पर्ने भन्दै तत्कालका लागि लामो दुरीमा हिँडेर गरिने आवात जावतमा रोक लगाउन निर्देशन दिएका हुन् ।

योसँगै अब काठमाडौंलगायत देशका विभिन्न भूभागबाट आफ्नो घरगाउँ वा गन्तव्यमा हिँडेरै पुग्ने लक्ष्य लिएय बीचबाटोमा पुगेकाहरु थप समस्यामा पर्ने देखिएका छन् । देशका विभिन्न ठाउँमा बन्दाबन्दीका कारण मजदुरहरु हिँडेरै गन्तव्यमा पुग्ने क्रममा मजदुर र उनीहरुको परिवारले कष्टकर जीवन भोग्न बाध्य भएको फोटो तथा भिडियो सञ्चारमाध्यममा सार्वजनिक भएपछि सरकारको यस्तो निर्देशन आएको हो ।

प्रधानमन्त्री ओलीले आज कोरोना नियन्त्रण उच्चस्तरीय समितिलाई बालुवाटारस्थित प्रधानमन्त्री निवासमा बोलाएर बोलाएर तत्काल मजदुर तथा अन्य नागरिकलाई हिँडेर गन्तव्यमा जान रोक लगाउन दिर्नेशन दिएका हुन् । उनले उनीहरुको लागि खान तथा बस्नको प्रबन्ध मिलाउन सम्बन्धित स्थानका जनप्रतिनिधि तथा स्थानीय सरकारलाई निर्देशन समेत दिएका छन् । उनले अत्यावश्यक बाहेकका आवतजावतहरु बन्द गर्न कडा निर्देशन दिएका छन् ।

कोरोनाको संक्रमण फैलिनबाट जोगाउन सरकारले यो निर्णय लिनुपरेको भन्दै यसले नागरिकमा तत्कालीन समस्या थपेपनि रोग फैलन नदिन यो नै प्रभावकारी उपाय भएको बताएका छन् । मजदुर तथा कामदार जहाँ पुगेको र जस्तो अवस्थामा पुगेको भएपनि उनीहरुलाई त्यही खाद्यान्न पु-याउन आग्रह गरेका हुन् ।

अहिले लकडाउनका कारण रोजीरोटी गुम्दा काठमाडौंलगायत शहरी क्षेत्रमा बस्ने कामदार र उनीहरुको परिवार हप्तौलगाएर बालबालिका च्यापेर गन्तव्यतर्फ अघिबढ्ने क्रम तीब्र बनेको छ । प्रधानमन्त्रीले स्थानीय तहहरुसँग समन्वय गर्न र सम्बन्धित जिल्लाका सांसदहरुलाई यो विषयमा कडा निर्देशन दिन उच्चस्तरीय संयन्त्रणलाई आग्रह गर्नुभएको छ ।

---

Comment from facebook