एमसीसी परियोजना नेपालको हित विपरित छैन : अमेरिकी दूतावास

Best Khabar Team | २०२६ पुष १७ गते बिहिबार

१७ डिसेम्बर, २०२०
काठमाडौं । अमेरिकाले नेपाललाई उपलव्ध गराउन लागेको करिब ५६ अर्ब रुपैयाँ अनुदानसम्बन्धी (एमसिसी) परियोजना नेपालको हित विपरितका कुनैपनि अदृष्य प्रावधान तथा व्यवस्थाहरु नरहेको नेपालस्थित अमेरिकी दूतावासले स्पष्ट पारेको छ । एमसिसी परियोजना लागूगर्ने विषयमा चौतर्फी विरोध भएपछि नेपालस्थित अमेरिकी दूतावासले सामाजिक सञ्जालमार्फत् यस्तो स्पष्टीकरण दिएको हो ।

दूतावासले शुक्रबार साँझ आफ्नो आधिकारिक फेसबुक पेजमा उल्लेख गरे अनुसार एमसिसी कम्प्याक्ट परियोजना नेपालको प्राथमिकता अनुसार छनौट भएको परियोजना हो । नेपालको आर्थिक विकासका लागि परियोजना महत्वपूर्ण हुने भन्दै दूतावासले परियोजनाको पूर्ण पाठलाई नेपालीमा समेत सार्वजनिक गरेको छ ।