अमेरिकी राष्ट्रपति ट्रम्प बेलायतको राजकीय भ्रमणमा

Best Khabar Team | २०७५ फाल्गुन २२ गते बुधबार

०३ जुन, २०१९
न्युयोर्क । अमेरिकी राष्ट्रपति डोनाल्ड ट्रम्प ३ दिने राजकीय भ्रमणका लागि आज बेलायत आइपुग्नुभएको छ । उहाँ बेलायती समय अनुसार बिहान ९ बजे स्टान्डस्टिड एअरपोर्टमा अवतरण गर्नुभएको छ । आफ्नी धर्मपत्नी मिलानियासहित बेलायत भ्रमणमा निस्कनुभएका ट्रम्पको बेलायत भ्रमणको स्वागत तथा विरोध भै रहेको छ । एयरफोर्स वनको विमानमार्फत ट्रम्प विमानस्थलमा आइपुग्नुभएको हो ।

उहाँलाई विमानस्थलमा बेलायती रानी एलिजावेथलगायत सरकारी उच्च पदस्थ अधिकारीहरुले स्वागत गरेका थिए । ट्रम्पको सम्मानमा आज रानी महारानीले बुकिङ्घम प्यालेसमा रात्रिभोजको आयोजना गर्नुभएको छ । अमेरिकी राष्ट्रपतिले सो रात्रीभोजमा सहभागीता जनाउनुहुने भएको छ । त्यसअघि ट्रम्प वेस्टमिनिस्टर ऐवीमा जाने तया त्यहाँ उहाँले राजकुमार चार्ल्ससँग पनि भेटवार्ता गर्ने कार्यक्रम छ । ट्रम्प र रानीले बेलायतमा स्थायी बसोबास गर्दै आएकाहरु सहभागी हुने केही कार्यक्रमलाई सम्बोधन गर्ने कार्यक्रम रहेको अन्र्तराष्ट्रिय सञ्चारमाध्यमले जनाएको छ ।

तीन दिने लण्डन बसाइसका क्रममा अन्य विभिन्न कार्यक्रममा समेत ट्रम्प सहभागी हुनुहुने छ । यसैबीच ट्रम्पको बेलायत भ्रमणका क्रममा उहाँका विरोधीहरुले विभिन्न राज्यमा विरोध प्रदर्शन समेत गरेका छन् ।

Comment from facebook