आज रातिदेखि मौसम विग्रनसक्ने मौसमविद्को चेतावनी

Best Khabar Team | २०७६ माघ १ गते बुधबार

१५ जनवरी, २०२०
काठमाडौं । पश्चिमी वायुको प्रभावले आज साँझदेखि मुलुकको पश्चिमी क्षेत्रको मौसम विग्रनसक्ने मौसमविद्हरुले चेतावनी दिएका छन् । पश्चिमी न्यून चापीय प्रणालीका कारण फेरि एकपटक मुलुकको पश्चिमी क्षेत्रमा हल्का वर्षा हुने र हिमाली क्षेत्रहरुमा सामान्य हिउँसमेत पर्न सक्ने भन्दै मौसमविद्हरुले सावधानी अपनाउन भनेका छन् ।

यसअघि ५ दिनअघि पनि पश्चिमी न्यून चापीय प्रणालीका कारण मुलुकभरको मौसम विग्रेर पहाडी क्षेत्रमा पानी र हिमाली क्षेत्रमा हिउँ परेको थियो । हिजो साँझ मौसम पूर्वानुमान महाशाखाले एक विज्ञप्ति निकालेर भोलिदेखि मौसम विग्रनसक्ने चेतावनी दिएको हो । तराई र पहाडी जिल्लाका केही ठाउँमा भारी वर्षासमेत हुनसक्ने विभागले जनाएको छ ।

Comment from facebook