‘लकडाउन’ को रुपरेखा परिवर्तन हुने : सरकारले आज औपचारिक निर्णय गर्दै

Best Khabar Team | २०७७ जेठ २८ गते बुधबार


१० जुन, २०२०
काठमाडौं । कोरोना संक्रमणलाई मध्यनजर गर्दै २०७६ साल चैत्र ५ गतेदेखि देशभर जारी लकडाउन (बन्दाबन्दी) को रुपरेखा परिवर्तन हुने भएको छ । आगामी असार १ गतेदेखि लागू हुने गरी सरकारले कोरोना संक्रमणको अवस्था हेरेर लकडाउनको मोडालिटी परिवर्तन लागेको हो । सरकारले देशका विभिन्न जिल्लाहरुलाई विभिन्न वर्गमा छु्याएर लकडाउन पनि सोही अनुसार तयगर्ने तयारी गरेको छ ।

प्रधानमन्त्री तथा मन्त्रीपरिषद् कार्यालय स्रोतका अनुसार विशेष गरी देशका अति जोखिमयुक्त, कम जोखिम र जोखिम रहित जिल्लाहरुलाई क्रमश रातो, पहँलो र हरियो रंगसहितको संकेत चिन्ह प्रदान गर्ने र सोही अनुसार लकडाउन तयगर्ने तयारी भै रहेको छ । हरियो अर्थात् ‘ग्रिन जोन’मा परेका जिल्लाहरुमा आन्तरिक गतिविधि गर्न पूर्णरुपमा छुट दिने तयारी सरकारको छ । ती जिल्लाहरुमा तत्काल विद्यालय तथा सिनेमाहललगायतका बढी मानिसहरुको भीडभाड हुने स्थान खुल्न अनुमति दिने विषयमा सरकार नरम बनेको बुझिएको छ ।

तर बाहिरी जिल्लाबाट आउनेहरुको बारेमा भने यी जिल्लाले विशेष निगरानी राख्नुपर्ने व्यवस्था गर्न लागिएको छ । यस्तै पहेँलो अर्थात् ‘एल्लो जोन’ मा परेका जिल्लाहरुमा जिल्ला भित्र चल्ने सवारी साधनहरुलाई निश्चित सुरक्षा सावधानी अपनाएर चलाउन सकिने तर विद्यालय र अन्य शैक्षिक संस्थाहरु तत्काल खोल्न नमिल्ने गरी निर्णय हुन लागेको छ । यस्तै रातो अर्थात् ‘रेड जोन’मा परेका जिल्लाहरुमा अत्यावश्यक सरकारी कार्यालय र दैनिक उपभोग्य पसल बाहेक अन्य गतिविधि तथा सवारी साधन सञ्चालनमा रोक लगाउने तयारी सरकारको छ ।

विशेषगरी नेपालको प्रदेश नम्बर २ का सबै जिल्लालाई तत्काका लागि रेड जोडमा राख्ने तयारी भै रहेको छ । ती जिल्लामा अहिले पनि दैनिक सयौंको संख्याका कोरोना संक्रमित भेटिइरहेका कारण संक्रमण फैलन सक्ने भएकाले रोड जोनमा राख्ने तयारी भएको बुझिएको छ । यस्तै काठमाडौं उपत्यका, काभ्रे, सिन्धुपाल्चोकलगायतका जिल्लालाई सरकारले एल्लो जोनमा राख्ने तयारी गरेको बताइएको छ ।

अहिले पनि काठमाडौंमा फाट्फुट्ट कोरोना संक्रमित देखिएको भएपनि जोखिम कायमै रहेको सरकारको ठभ्याई छ । मनाङ्ग, मुस्ताङ्ग, लमजुङ्ग, रसुवालगायतका जिल्लालाई ग्रिन जोनमा राख्ने तयारी छ । यसअघि प्रधानमन्त्री केपी शर्मा ओलीले आजै संघीय संसदमा सम्बोधनका क्रममा लकडाउनको मोडालिटी खुकुलो गर्ने विषयमा निर्णय लिने बताएका थिए ।

फाइल तस्वीर : प्रधानमन्त्री केपी शर्मा ओली ।

लकडाउनका कारण दैनिक जनजीवन कठिन बन्दै गएको भन्दै उनले मोडालिटी परिवर्तन गर्दै जनजीवन सहजीकरण गर्नेतर्फ सरकार केन्द्रीत रहेको बताएका थिए । यो विषयमा निर्णय लिन आज दिउँसो मन्त्रीपरिषद्को बैठक बस्दैछ । आजै सरकारले एसईई दिने विद्यार्थीहरुको परीक्षको सम्बन्धमा पनि निर्णय गर्ने तयारी गरेको छ ।



Comment from facebook



थप खबर पढ्नुहोस्
गुठी विधेयकविरुद्ध विश्व हिन्दु युवासंघ आन्दोलनमा गुठी विधेयकविरुद्ध विश्व हिन्दु युवासंघ आन्दोलनमा

२०७६ असार १ गते आइतबार

१६ जुन, २०१९ काठमाडौं ।सनातन हिन्दु धर्म संस्कृति खत्तम...

रोकियो स्ववियु चुनाव रोकियो स्ववियु चुनाव

२०७६ फाल्गुन ६ गते मंगलबार

१८ फेब्रुअरी, २०२० काठमाडौं । ३ वर्षपछि हुन लागेको...

कोरोना संक्रमित पत्रकारको भोगाई : ‘अस्पतालको आइसोलेसनमा पिउने पानी समेत पाईनँ’ कोरोना संक्रमित पत्रकारको भोगाई : ‘अस्पतालको आइसोलेसनमा पिउने पानी समेत पाईनँ’

२०७७ बैशाख ३१ गते बुधबार

कोरोना संक्रमणका बारेमा आम नागरिकलाई सत्य, तथ्य र निष्पक्ष...

हिरासतमुक्त भएलगत्तै गजुरेलले भने : कालापानीबाट भारतीय सेना हटाउँछौं हिरासतमुक्त भएलगत्तै गजुरेलले भने : कालापानीबाट भारतीय सेना हटाउँछौं

२०७६ पुष १४ गते सोमबार

३० डिसेम्बर, २०१९ काठमाडौं । सिमा मिचिएको विषयमा ज्ञापन...

Top