नेपाली टोलीलाई अमेरिकाको सिटी अफ अर्भिङ्गको ‘आत्मिय स्वागत’

Best Khabar Team | २०७६ पुष १ गते मंगलबार

१७ डिसेम्बर, २०१९
वासिङ्टन । अमेरिकाको टेक्ससस्थित सिटी अफ अर्भिंगले नेपालको काठमाडौंस्थित गोकर्णेश्वर नगरपालिकाको टोलीलाई आत्मिय स्वागत गरेको छ । गोकर्णेश्वर नगरपालिकाका प्रमुख प्रशासकीय अधिकृत अग्नि अधिकारीसहितको टोली टेक्सस पुगेको छ । यी दुई देशका दुई शहरबीचको सम्बन्ध विस्तारको सेतुको रुपमा भ्रमणलाई लिइएको अधिकृत अधिकारीले जानकारी दिए । अमेरिकन च्याम्बर अफ कमर्श, डालस, टेक्ससको संयोजन र सिटी अफ अर्भिंग तथा अर्भिंग एवं लस कोलिनस च्याम्बर अफ कमर्शको निमन्त्रणमा तीन सदस्यीय नेपाली टोली अमेरिका पुगेको थियो । अमेरिकामा रहेका विभिन्न संघ संस्था तथा व्यवसायमा संलग्न प्रतिनिधिमण्डलसहित गोकर्णेश्वर नगरपाकिलाको टोलीलाई विशेष कार्यक्रममा बीच अमेरिकामा भव्य स्वागत गरिएको हो । १० दिन लामो अमेरिका भ्रमणका क्रममा टोलीले विशेष गरी फोहोर मैला व्यवस्थापन, शुद्ध खानेपानीलगायतका विषयमा विषयमा जानकारी लिने बताइएको छ । सिटी अफ अर्भिंगका मेयर रिक स्टोफरले कार्यक्रममा नेपाली टोलीलाई अमेरिकामा स्वगत गर्न पाउँदा आफूलाई अन्त्यन्तै खुशी लागेको र भोलिका दिनमा नेपालसँग सहकार्य गरेर अघि बढ्न आफूहरु इच्छुक रहेको बताएका थिए ।

Comment from facebook