पहिरो रोकथाम गर्न मुग्लिन नारायणघाट सडकखण्ड दैनिक ४ घण्टा बन्द

Best Khabar Team | २०७६ मंशिर २५ गते बुधबार

१२ डिसेम्बर, २०१९
काठमाडौं । पहिरो रोकथामका लागि भन्दै मुग्लिन–नारायणगढ सडकखण्ड दैनिक ४ घण्टा बन्द हुने भएको छ । २ साताका लागि भन्दै सडक विभागले भोलिदेखि लागूहुने गरी सडक आंशिक समयका लागि बन्द गर्न लागेको हो । विभागका अनुसार बिहान ११ बजेदेखि दिउँसो ३ बजेसम्म दैनिक ४ घण्टा सडक रोकेर काम शुरु गर्न लागेको हो ।

मुग्लिन–नारायणगढ सडक खण्डको सडक स्तरोन्नतीका अन्र्तगत करिब एक दर्जन ठाउँमा पहिरो रोक्न काम भै रहेकोले यात्रु तथा सवारीको सुरक्षाका लागि केही साताका लागि सडक नै अवरुद्ध गर्न लागिएको बताइएको छ । विभाग अन्र्तगतको नारायणघाट मुग्लिन सडक आयोजनाले चितवनबाट आउने गाडीहरुले पन्ध्र किलो बजामा रोक्नुपर्ने छ भने मुग्लिनबाट नारायण गढ हुँदै गन्तव्यतर्फ अघि बढ्ने सवारी साधनलाई मुग्लिन बजारमै रोकिने छ ।

यस्तै विभिन्न स्थान हुँदै तनहुँको डुम्रेबाट सो सडक रुट पार गर्ने सवारी साधन तनहुँको बेनीटारमा रोक्नुपर्नेछ । यस्तै, काठमाडौंबाट मुग्लिन छिर्ने माबबहाक सवारी साधनलाई लाई लेवाटारमा र पोखराबाट मुग्लिनतर्फ आउनेलाई आँबुखैरेनीमा रोकिने आयोजाको भनाई छ ।

Comment from facebook