पोखरामा सडक महोत्सवको रौनकता

Best Khabar Team | २०७६ पुष १६ गते बुधबार

०१ डिसेम्बर, २०१९
पोखरा । नयाँवर्ष २०२० को अवसर पारेर पर्यटकीय नगरी पोखराको लेकसाईडमा सडक महोत्स्व आयोजना गरिएको छ । ३ दिनसम्म चल्ने सो महोत्सवका अवसरमा पोखराको लेकसाइडका सडकहरुमा विभिन्न जातजातीका खानाका परिकार, भेषभुषा तथा संस्कृति झल्कने सामग्रीहरुसहितको स्टल राखिएको छ । विशेष गरी नेवारी, तामाङ्ग, गुरुङ्ग, थकालीलगायतका नेपाली परम्परागत खाना तथा अन्य विदेशी खानाको स्टलहरुसमेत राखिएको व्यवासयी हिमाल नहर्कीले जानकारी दिनुभयो ।

नयाँ वर्ष २०२० मनाउन पोखरा पुगेकाहरुले सडक महोत्सवको भरपुर मनोरञ्जन लिइरहेका छन् । त्यसो त पोखरामा हरेक वर्ष सडक महोत्सव आयोजना हुँदै आएको छ । क्रिशमस देखि नयाँवर्षसम्म पोखरामा विशेष गरी स्वदेशी पर्यटकको संख्या बाक्लो हुने भएकाले यही अवसरमा सडक महोत्सव गर्ने गरिएको रेष्टुरेण्ट एण्ड बार एशोसियसन (रेवान) पोखराले जनाएको छ ।

आन्तरिक तथा वाह्य पर्यटन प्रवद्र्धन गर्नका लागि आयोजना गरिएको सडक महोत्सवमा हरेक वर्ष झै यसपटक पनि विभिन्न जनजातिसँग सम्बन्धित लोपोन्मुख भेषभुषा, कला, संस्कृति, ग्रामिण क्षेत्रमा उत्पादित घरेलु सामाग्रीलगायतका करिब ३ सयवटा स्टलहरु राखिएको छ । पछिल्लो समयमा पोखरामा अन्र्तराष्ट्रिय विमानस्थल बन्ने काम शुरुभए सँगै यस क्षेत्रमा पर्यटकीय गतिविधि पनि बढेको छ ।

त्यसो त ४ नम्बर प्रदेश अर्थात् सिँगो गण्डकी अञ्चल आफैंमा सांस्कृति तथा प्राकृतिक विविधताको धनी ठाउँ हो । ताल तलैया देखि हिमालम्मले यो क्षेत्रको पर्यटकीय महत्वलाई थप बढावा दिएको छ ।